বিজেপিৰ বিনামূলীয়া শিক্ষাৰ প্ৰতিশ্ৰুতিৰে দ্বিতীয় ইস্তাহাৰঃ কেজৰিৱাল

 

বিজেপিৰ বিনামূলীয়া শিক্ষাৰ প্ৰতিশ্ৰুতিৰে দ্বিতীয় ইস্তাহাৰঃ কেজৰিৱাল

নেচনেল ডেস্ক,২২ জানুৱাৰীঃ আগন্তুক দিল্লী নিৰ্বাচনৰ পূৰ্বে বিজেপিয়ে প্ৰকাশ কৰে দ্বিতীয়খন ইস্তাহাৰ। ইস্তাহাৰত ক্ষমতালৈ আহিলে মহানগৰীৰ চৰকাৰী শিক্ষানুষ্ঠানৰ অভাৱগ্ৰস্ত ছাত্ৰ-ছাত্ৰীক ‘কেজিৰ পৰা পিজিলৈ’ বিনামূলীয়া শিক্ষা প্ৰদানৰ প্ৰতিশ্ৰুতি দিয়া হৈছিল। দিল্লী বিধানসভা নিৰ্বাচনৰ বাবে বিজেপিৰ ইস্তাহাৰ প্ৰকাশ কৰি বিজেপি সাংসদ অনুৰাগ ঠাকুৰে কয় যে প্ৰতিযোগিতামূলক পৰীক্ষাৰ প্ৰস্তুতিৰ বাবে মহানগৰীৰ ছাত্ৰ-ছাত্ৰীক ১৫ হাজাৰ টকাৰ এককালীন আৰ্থিক সাহায্য প্ৰদান কৰাৰ লগতে ভ্ৰমণ আৰু আবেদনৰ মাচুল দুবাৰকৈ ঘূৰাই দিব। আনহাতে আম আদমি পাৰ্টিৰ প্ৰধান অৰবিন্দ কেজৰিৱালে এই ইস্তাহাৰক সমালোচনা কৰি এক্স হেণ্ডেলত পোষ্ট কৰে যে ‘চৰকাৰী বিদ্যালয়ত বিজেপিয়ে বিনামূলীয়া শিক্ষা দিব’।

দ্বিতীয় পৰ্যায়ৰ ইস্তাহাৰত ঘৰুৱা শ্ৰমিকৰ বাবে এখন কল্যাণ ব’ৰ্ড গঠনৰ প্ৰতিশ্ৰুতিও দিয়া হৈছিল। ঘৰুৱা শ্ৰমিকৰ বাবে ১০ লাখ টকাৰ জীৱন বীমা দিয়াৰ কথা উল্লেখ আছে। ইয়াৰ উপৰিও ৫ লাখ টকাৰ দুৰ্ঘটনা বীমা, তেওঁলোকৰ সন্তানৰ বাবে বৃত্তি আৰু ৬ মাহৰ প্ৰসূতিকালীন ছুটীও ঘোষণা কৰা হয়।

ইস্তাহাৰত অটোৰিক্সা আৰু টেক্সি চালকৰ বাবে এখন কল্যাণ ব’ৰ্ড স্থাপনৰ প্ৰতিশ্ৰুতিও দিয়া হৈছে। তাত তেওঁলোকক ১০ লাখ টকাৰ জীৱন বীমা, ৫ লাখ টকাৰ দুৰ্ঘটনা বীমা, গাড়ীৰ বীমাৰ লগতে তেওঁলোকৰ সন্তানৰ বাবে বৃত্তিৰ প্ৰতিশ্ৰুতি দিয়া হৈছে। ইয়াৰ উপৰিও সামাজিকভাৱে পিছপৰা ছাত্ৰ-ছাত্ৰীক বি আৰ আম্বেদকাৰ ষ্টাইপেণ্ড আঁচনিৰ অধীনত প্ৰতিমাহে ১০০০ টকা ভাট্টা দিয়াৰ প্ৰতিশ্ৰুতি দিছে গেৰুৱা শিবিৰে।

দ্বিতীয় পৰ্যায়ৰ বাবে অচেৰ  ছাত্ৰ-ছাত্ৰীৰ বাবে বিভন্ন ঘোষণাৰে বিৰোধীসকলক শলঠেকত পেলাবলৈ আপ্ৰাণ চেষ্টা চলাইছে। অৱশ্যে আম আদমি পাৰ্টিৰ আহ্বায়ক অৰবিন্দ কেজৰিৱালে বিজেপিৰ ইস্তাহাৰক সমালোচনা কৰিবলৈ আৰম্ভ কৰে। দিল্লীৰ প্রাক্তন মুখ্যমন্ত্রীগৰাকীয়ে অভিযোগ কৰে যে দিল্লী নির্বাচনৰ পূর্বে যি প্রতিশ্রুতি দিয়া হ’ল, সেই সকলোবোৰ ভুৱা৷ তেওঁ স্পষ্টকৈ কয় যে,ই ‘বহুত ভয়ংকৰ! বিনামূলীয়া শিক্ষা দিয়াৰ বাবে এয়া বিজেপিৰ কৌশল। এই ইস্তাহাৰেই তাৰ প্ৰমাণ।' এইদৰে তেওঁলোকে সাধাৰণ মানুহৰ বাবে বিনামূলীয়া স্বাস্থ্য আৰু শিক্ষা সেৱা ধ্বংস কৰি আছে।

 

 

বিজেপিয়ে যোৱা সপ্তাহত প্ৰথম পৰ্যায়ৰ ইস্তাহাৰ প্ৰকাশ কৰি মহিলাৰ বাবে ২৫০০ টকা, প্ৰতিগৰাকী গৰ্ভৱতী মহিলাৰ বাবে ২১ হাজাৰ টকা, ৫০০ টকাত এল পি জি চিলিণ্ডাৰ আৰু জ্যেষ্ঠ নাগৰিকৰ বাবে ২৫০০ টকা পেঞ্চন দিয়াৰ প্ৰতিশ্ৰুতি দিছিল। বিজেপিৰ সভাপতি জে পি নাড্ডাই প্রথম ইস্তাহাৰ প্রকাশ কৰি কয় যে বিজেপি নেতৃত্বাধীন দিল্লী চৰকাৰে ‘উন্নত দিল্লী’ৰ ভেটি হিচাপে কাম কৰিব৷ নড্ডাই আশ্বাস দিয়ে যে বিজেপি ক্ষমতালৈ আহিলে চলি থকা সকলো জনকল্যাণমূলক আঁচনি বজাই ৰখা হ’ব আৰু সকলো আঁচনি দুৰ্নীতিমুক্ত কৰি শক্তিশালী কৰি তোলা হ’ব।

নড্ডাই কয় যে বিজেপি নেতৃত্বাধীন দিল্লী চৰকাৰে প্ৰথমখন কেবিনেট বৈঠকত মহানগৰীত ‘আয়ুষ্মান ভাৰত’ ৰূপায়ণত অনুমোদন জনোৱাৰ লগতে ৫ লাখ টকাৰ অতিৰিক্ত স্বাস্থ্য কভাৰেজ প্ৰদান কৰিব। নড্ডাই ‘মহিলা সমৃদ্ধি যোজনা’ৰ অধীনত তেওঁলোকৰ বাবে ২৫০০ টকাৰ মাহিলী সাহায্যকে ধৰি কেইবাটাও ব্যৱস্থা ঘোষণা কৰে। বিজেপিয়ে ঘোষণা কৰা এই ইস্তাহাৰখনে ‘মুখ্যমন্ত্ৰী মাতৃত্ব সুৰক্ষা যোজনা’ৰ অধীনত প্ৰতিগৰাকী গৰ্ভৱতী মহিলাক ২১০০ টকা আৰু আৰ্থিক সাহায্য ২১,০০০ টকা আৰু ছটা পুষ্টি কিট প্ৰদানৰ প্ৰতিশ্ৰুতি দয়ে।

হোলী আৰু দীপাৱলীত এটা বিনামূলীয়া চিলিণ্ডাৰৰ লগতে দৰিদ্ৰ লোকক ৫০০ টকাৰ এল পি জি চিলিণ্ডাৰ দিয়াৰ প্ৰতিশ্ৰুতি দিয়া হৈছে। বিজেপিৰ সভাপতিগৰাকীয়ে কয়, 'আমি ৬০ বছৰ বয়সৰ পৰা ৭০ বছৰ বয়সৰ জ্যেষ্ঠ নাগৰিক, বিধৱা, বিশেষভাৱে সক্ষম আৰু নিঃস্ব ব্যক্তিৰ বাবে ২,৫০০ টকাৰ পৰা ৩,০০০ টকালৈ বৃদ্ধি কৰিম।' ' .

অৱশ্যে এতিয়াও আনুষ্ঠানিকভাৱে প্ৰকাশ কৰিব পৰা নাই শাসকীয় আপৰ ইস্তাহাৰ। অৱশ্যে কিছুমানে ইতিমধ্যে বিনামূলীয়া প্রস্তাৱ আগবঢ়াইছে। যেনে সংস্কাৰমুক্ত চৰকাৰী বিদ্যালয়, মোহল্লা ক্লিনিক আৰু বিনামূলীয়া বিদ্যুৎ যিবোৰ আপ চৰকাৰে দিল্লীৰ নাগৰিকক প্ৰদান কৰি আহিছে।

দিল্লীৰ মুঠ ৭০খন বিধানসভা আসনৰ বাবে ৫ ফেব্ৰুৱাৰীত ভোটগ্ৰহণ অনুষ্ঠিত হ’ব। তৃতীয়বাৰৰ বাবে আপক ক্ষমতালৈ অহাত বাধা দিয়াৰ লক্ষ্যৰে বিজেপি আৰু কংগ্ৰেছৰ ত্ৰিকোণীয় প্ৰতিদ্বন্দ্বিতাৰ অহা ৮ ফেব্ৰুৱাৰীত ভোট গণনা কৰা হ’ব। আপ, বিজেপি আৰু কংগ্ৰেছে জোৰদাৰ প্ৰচাৰ আৰম্ভ কৰিছে। প্ৰতিশ্ৰুতিত ইটো দলে আনটো দলক চেৰপেলোৱাৰ প্ৰতিযোগিতা তুঙ্গত।

আগলৈ প্ৰেৰণ কৰক