ষড়যন্ত্ৰৰ পৰা জাতীয় উৎসৱলৈ

ভূপেন দেউৰ গীতৰ ভাষাৰে- 
ব'হাগ মাথো এটি ঋতু নহয়, 
নহয় ব'হাগ এটি মাহ 
অসমীয়া জাতিৰ আয়ুস ৰেখা 
গণ জীয়নৰ ই সাহ।।

সম্পূৰ্ণ পঢ়ক

 আমি হিতাধিকাৰী সৰ্বস্ব এটা জাতি হ'বলৈ গৈ আছোঁ: জজ খেলপথাৰৰ পৰা আছুৰ সভাপতিৰ জাতিটোলৈ সতৰ্কবাণী

বি. চি ডেস্ক, ১৪ এপ্ৰিলঃ "আমি হিতাধিকাৰী সৰ্বস্ব এটা জাতি হ'বলৈ গৈ আছোঁ... আমি এনে এটা জাতি গঢ়িবলৈ গৈ আছোঁ, যিটো জাতিয়ে কেৱল হিতাধিকাৰী হিচাপে জীয়াই থাকিবলৈ গৈ আছে, নিজৰ পৰিশ্ৰমৰ ফলত নহয়, কেৱল উপহাৰৰ আশাত জীয়াই থাকিব বিচাৰে।" - ন-বহাগৰ আনন্দঘন পৰিৱেশ আৰু উল্লাসৰ মাজতেই সদৌ অসম ছাত্ৰ সন্থা (আছু)ৰ' সভাপতি গৰাকীয়ে প্ৰকাশ কৰিলে এক গভীৰ চিন্তা আৰু উদ্বেগ, যি মূলত অসমীয়া জাতিৰ অৰ্থনৈতিক ভৱিষ্যৎ আৰু আত্মনিৰ্ভৰশীলতাৰ অভাৱত গঢ়ি উঠা এক আশংকা। গৰুবিহুৰ দিনাখন গুৱাহাটীৰ জজ খেলপথাৰত অনুষ্ঠিত এইবাৰৰ আছুৰ মুকলি বিহুতলিৰ পৰা অসমবাসীলৈ সতৰ্কবাণী আছুৰ সভাপতিগৰাকীৰ ।

সম্পূৰ্ণ পঢ়ক

 তিনি গগৈ একলগ হ'লে অসমৰ ৰাজনীতিত মেজিক সৃষ্টি হ'ব : অখিল গগৈ

বি. চি ডেস্ক, ১৩ এপ্ৰিলঃ "ৰাইজৰ দলৰ চৰকাৰ হ'লে থলুৱাক প্ৰথম অগ্ৰাধিকাৰ দিয়া হ'ব। যদি মই মুখ্যমন্ত্ৰী হওঁ, তেন্তে অসমৰ চৰকাৰে কেন্দ্ৰৰ পৰা জিএসটি মুক্ত কৰিবলৈ সকলো পদক্ষেপ ল'ব। অসমৰ সাধাৰণ ৰাইজৰ ওপৰত পৰি থকা আৰ্থিক ভাৰ কমাবলৈ এই সিদ্ধান্ত অত্যন্ত প্ৰয়োজনীয়।" — তেজপুৰত আয়োজিত ৰাইজৰ দলৰ যোগদান অনুষ্ঠানত এই মন্তব্য আগবঢ়ায় দলৰ সভাপতি তথা বিধায়ক অখিল গগৈয়ে। তিনি গগৈ — লুৰীণজ্যোতি গগৈ, গৌৰৱ গগৈ আৰু অখিল গগৈ — এক হোৱা উচিত বুলি তেওঁ পুনৰ জোৰ দিয়ে।

সম্পূৰ্ণ পঢ়ক

 উত্তৰ-পূবৰ ৰাষ্ট্ৰীয় ঘাইপথ প্ৰকল্পক লৈ গুৰুত্বপূৰ্ণ পদক্ষেপ কেন্দ্ৰীয় মন্ত্ৰী নীতিন গাডকাৰীৰ

বি. চি ডেস্ক, ১৩ এপ্ৰিলঃ উত্তৰ-পূব ভাৰতৰ যোগাযোগ আৰু আন্তঃগাঁথনি উন্নয়নৰ ক্ষেত্ৰত কেন্দ্ৰীয় চৰকাৰে এক গুৰুত্বপূৰ্ণ পদক্ষেপ গ্ৰহণ কৰিছে। কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীৰ সদ্য প্ৰকাশ পোৱা এক বিস্তৃত ঘোষণাত উল্লেখ কৰে যে, অহা দুবছৰৰ ভিতৰত সমগ্ৰ দেশজুৰি বিশেষকৈ উত্তৰ-পূব আৰু সীমান্ত অঞ্চলসমূহত ঘাইপথ উন্নয়নৰ বাবে ১০ লাখ কোটি টকাৰ বিনিয়োগৰ পৰিকল্পনা কৰা হৈছে। এই বিনিয়োগৰ জৰিয়তে দেশখনৰ আন্তঃগাঁথনি ব্যৱস্থাক বিশ্বমানৰ পৰ্যায়লৈ উন্নীত কৰাৰ লক্ষ্য ৰখা হৈছে।

সম্পূৰ্ণ পঢ়ক

 পথ দুৰ্ঘটনাই স্তব্ধ কৰিলে কিশোৰৰ কলম

বি. চি ডেস্ক, ১৩ এপ্ৰিলঃ এক শোকাৱহ পথ দুৰ্ঘটনাই প্ৰাণ কাঢ়িলে যুৱ সাংবাদিক কিশোৰ ডেকাৰজাৰ । শনিবাৰে নিশা বাতৰি সংগ্ৰহ কৰি গৃহ অভিমুখে গৈ থকাৰ সময়তে এক শোকাৱহ পথ দুৰ্ঘটনাত প্ৰাণ হেৰুৱাই কিশোৰে । দীৰ্ঘদিন ধৰি সাংবাদিকতাৰ সৈতে জড়িত হৈ থকা কিশোৰে প্ৰায় এটা বছৰে মৰিগাঁৱৰ পৰা ইটিভি ভাৰতৰ সাংবাদিক হিচাপে কৰ্মৰত আছিল ।

জানিব পৰা মতে, কৰ্তব্য সামৰি গৃহ অভিমুখে বাইকেৰে গৈ থকা অৱস্থাত এখন বাহনে খুন্দিওৱাৰ ফলত সংঘটিত হোৱা পথ দুৰ্ঘটনাত গুৰুতৰভাৱে আহত হয় সাংবাদিক কিশোৰ ডেকাৰজা । দুৰ্ঘটনা সংঘটিত কৰিয়েই ঘটনাস্থলীৰ পৰা পলায়ন কৰে বাহনখনে ।

লগে লগে স্থানীয় লোকে সাংবাদিক কিশোৰ ডেকাৰজাক অচেতন অৱস্থাত উদ্ধাৰ কৰি গুৱাহাটীৰ জি এন আৰ চি হাস্পতাললৈ লৈ যায় যদিও চিকিৎসকে মৃত বুলি ঘোষণা কৰে ।

ইয়াৰ পূৰ্বে কিশোৰ ডেকাৰজাই ৰাজ্যৰ কেইবাটাও আগশাৰীৰ সংবাদ প্ৰতিষ্ঠানৰ সৈতে জড়িত হৈ আছিল । স্থানীয় সাংবাদিকগৰাকীৰ মৃত্যুত শোকৰ ছাঁ পৰিছে সমগ্ৰ মৰিগাঁৱত । 

সাংবাদিক গৰাকীৰ মৃত্যুত স্থানীয় বিধায়ক ৰমাকান্ত দেউৰীয়েও সামাজিক মাধ্যমত গভীৰ শোক প্ৰকাশ কৰি লিখে - "পুৱাই এটি দুখৰ খবৰ পাই ব্যথিত হৈছো । ইটিভি ভাৰতৰ মৰিগাঁৱৰ সংবাদ দাতা কিশোৰ ডেকাৰজাৰ যোৱা নিশা এটি পথ দুৰ্ঘটনাত পৰলোকপ্ৰাপ্তি ঘটে । যুৱ সাংবাদিক জনৰ মৃত্যু মৰিগাঁৱৰ সমাজ জীৱনৰ এক অপূৰণীয় ক্ষতি । তেখেতৰ বিদেহ আত্মাৰ চিৰ শান্তি কামনা কৰিলো লগতে শোকসন্তপ্ত পৰিয়ালবৰ্গলৈ মোৰ গভীৰ সমবেদনা জ্ঞাপন কৰিলোঁ । ঔঁ শান্তিঃ ৷"

লগতে ইটিভি ভাৰত পৰিয়ালৰ লগতে মৰিগাঁও জিলাৰ সংবাদ মহল, বিভিন্ন বিশিষ্ট ব্যক্তি, অনুষ্ঠান-প্ৰতিষ্ঠানে শোক প্ৰকাশ কৰাৰ লগতে শোক সন্তপ্ত পৰিয়ালবৰ্গলৈ সমবেদনা জ্ঞাপন কৰে ।

সম্পূৰ্ণ পঢ়ক

 উমৰাংছ' কয়লাখনি দুৰ্ঘটনা: ২১ এপ্ৰিলত হ’ব ৰাজহুৱা শুনানি

বি. চি ডেস্ক, ১২ এপ্ৰিলঃ উমৰাংছ' কয়লাখনিৰ ভয়ংকৰ দুৰ্ঘটনাৰ কথা মনত পৰিলেই গা শিহৰি উঠে। অসমত সংঘটিত হোৱা এই গভীৰ শোকজনক ঘটনাটো কেতিয়াও পাহৰিব নোৱাৰি। এই দুৰ্ঘটনাটোত কেৱল কিছু জীৱন হেৰুৱাইছিল সেই কথা নহয়, বৰং বহু পৰিয়াললৈ চিৰ দিনৰ বাবে অন্ধকাৰ নমাই আনিছিল। আজিও এই দুৰ্ঘটনাৰ বাবে দায়ী কোন, কিয় এনে ঘটনা ঘটিবলৈ পালে— সেই লৈ আজিও বহুতে বহু প্ৰশ্নৰ অৱতাৰণা কৰে ৷

সম্পূৰ্ণ পঢ়ক

 কণ্ঠৰোধৰ চেষ্টা! ডিজিটেল ডাটা সুৰক্ষা আইনৰ দোহাই দি আৰটিআইক টেটু চেপাৰ পৰিকল্পনা  মোডী চৰকাৰৰ 

নেচনেল ডেস্ক, ১১এপ্ৰিলঃ ৱাকফ বিলৰ পাছত এতিয়া মোডী চৰকাৰ আৰু ইণ্ডিয়া জোঁটৰ মাজত ডিজিটেল পাৰ্চনেল ডাটা প্ৰটেকচন এক্ট (DPDP Act) লৈ নতুন সংঘাতৰ সূচনা হৈছে। বৃহস্পতিবাৰে ইণ্ডিয়া জোঁটে চৰকাৰৰ ওপৰত গভীৰ অভিযোগ উত্থাপন কৰি কয় যে সংসদীয় সমিতিক অন্ধকাৰত ৰাখি, সংগোপনে এই সংশোধনী অনা হৈছে, যাৰ লক্ষ্য হৈছে নাগৰিকসকলৰ তথ্য জানাৰ অধিকাৰক জলাঞ্জলী দিয়া।

সম্পূৰ্ণ পঢ়ক

 এনডিএৰ পূৰ্ণ প্ৰস্তুতি: মুখ্যমন্ত্ৰী ২৭ খন আৰু দিলীপ শইকীয়াই ৫০তকৈ অধিক প্ৰচাৰ সভাত অংশগ্ৰহণ কৰিব

বি. চি ডেস্ক, ১১এপ্ৰিলঃ পঞ্চায়ত নিৰ্বাচনৰ দিন ওচৰ চাপি আহিছে আৰু এতিয়া কেৱল মাত্ৰ কেইটামান দিন বাকী। অহা ২ আৰু ৭ মে’ তাৰিখে দুটা পৰ্যায়ত অনুষ্ঠিত হ’বলগীয়া এই পঞ্চায়ত নিৰ্বাচনৰ বাবে এনডিএ মিত্ৰজোঁটে পূৰ্ণোদ্যমে প্ৰস্তুতি চলাইছে। দলটোৰ মণ্ডল, জিলা তথা ৰাজ্যিক পৰ্যায়ত এক বিস্তৃত পৰিকল্পনা গ্ৰহণ কৰা হৈছে। মিত্ৰ দলসমূহৰ সৈতে একাধিক বৈঠক অনুষ্ঠিত কৰি, ৰাজ্যিক প্রতিনিধিসকলৰ সহায়ত অঞ্চলভিত্তিক আলোচনাৰ জৰিয়তে সৰ্বসন্মতিক ভিত্তিত ৰাইজৰ মাজৰ পৰা প্ৰাৰ্থীসকলক বাছনি কৰা হৈছে। এইবাৰ দলটোৰ উদ্দেশ্য হ’ল, স্থানীয় জনতাৰ আশা-আকাংক্ষা পূৰণ কৰিব পৰা প্ৰাৰ্থীক টিকট দিয়া।

সম্পূৰ্ণ পঢ়ক

 অসমত পঞ্চায়ত নিৰ্বাচনৰ পূৰ্ণপ্ৰস্তুতিত ব্যস্ত নিৰ্বাচন আয়োগ

বি. চি ডেস্ক, ১১এপ্ৰিলঃ আসন্ন পঞ্চায়ত নিৰ্বাচনৰ প্ৰস্তুতিৰে অসম ৰাজ্যিক নিৰ্বাচন আয়োগে অধিক সংগঠিত আৰু বিস্তৃতভাৱে কাম আৰম্ভ কৰিছে। গণতান্ত্ৰিক প্ৰক্ৰিয়াৰ সফলতা নিশ্চিত কৰিবলৈ, আয়োগে পৰ্যাপ্ত পৰিকল্পনা আৰু সংহত ব্যৱস্থা গ্ৰহণ কৰিছে যাতে নিৰ্বাচনী প্ৰক্ৰিয়া সঠিকভাৱে সম্পন্ন হয়। এইবাৰ, নিৰ্বাচনী ব্যৱস্থাক অধিক ফলপ্ৰসূ আৰু সুচল কৰিবলৈ বেলট বাকচ বিতৰণ, বেলট বাকচ সংগ্ৰহৰ ব্যৱস্থা কৰাৰ লগতে ষ্ট্ৰং ৰুম আৰু ভোটগণনা কেন্দ্ৰ একেটা চৌহদত স্থাপন কৰাৰ নিৰ্দেশ ইতিমধ্যে জাৰি কৰা হৈছে। এই ব্যৱস্থাই পৰিচালনাত সুবিধা সৃষ্টি কৰাৰ লগতে নিৰ্বাচনী পৰিসৰত স্বচ্ছতা, নিয়ম-শৃংখলা আৰু নিৰাপত্তা অধিক মজবুত কৰিব বুলি আশা কৰা হৈছে। এই সন্দৰ্ভত, জিলা আয়ুক্ত আৰু আৰক্ষী অধীক্ষকক গুৰুত্বপূৰ্ণ দায়িত্ব অৰ্পণ কৰি নিৰ্দেশনা প্ৰেৰণ কৰা হৈছে যাতে পৰিস্থিতি নিয়ন্ত্ৰণত থাকে আৰু কোনো ধৰণৰ বিঘ্নত পৰিণত নোহোৱাকৈ সমগ্ৰ প্ৰক্ৰিয়া শান্তিপূৰ্ণভাৱে সম্পন্ন হয়।

সম্পূৰ্ণ পঢ়ক

 ৪০ ডিগ্ৰী গৰমতো কম্বল বিতৰণ, বিহাৰৰ বিজেপি মন্ত্ৰীৰ!

নেচনেল ডেস্ক, ১০এপ্ৰিলঃ বিহাৰৰ বেগুছৰাই বৰ্তমান এপ্ৰিল মাহীয়া ৪০ ডিগ্ৰী গৰমত জ্বলি আছে। অৱশ্যে কম্বল বিতৰণ কৰাৰ কথা ঘোষণা কৰে এগৰাকী মন্ত্ৰীয়ে। আৰু সেই কথা শুনি প্ৰায় ৭০০ জন লোকে অহিয়াপুৰ গাঁৱত গোট খায়। বচোৱাৰা বিজেপিৰ বিধায়ক তথা ৰাজ্যৰ ক্ৰীড়া মন্ত্ৰী সুৰেন্দ্ৰ মেহতাই প্ৰচণ্ড গৰম আৰু ৰ’দত দুর্গতজনৰ হাতত একোখন কৈ গৰম কম্বল তুলি দি মিচিকিয়া হাঁহিৰে তোলা এখন ছবি ছ’চিয়েল মিডিয়াত ভাইৰেল হৈ পৰিছে। এই ঘটনাক তীব্ৰ সমালোচনা কৰিছে বিৰোধী শিবিৰে। তেওঁলোকে কয় যে যদি সমাজ সেৱা কৰিব লাগে তেন্তে শীতকালতো কম্বল দান কৰিব লাগিছিল। এই ভৰ গৰমত হঠাৎ কম্বল বিলাই দিয়াৰ অৰ্থ প্ৰচাৰ পোৱাৰ বাহিৰে আন একো নহয়। যোৱা ৬ এপ্ৰিলত আছিল বিজেপিৰ ৪৫ সংখ্যক প্ৰতিষ্ঠা দিৱস উদযাপন । সেই উপলক্ষে মন্ত্ৰীগৰাকীয়ে কম্বল বিতৰণৰ আয়োজন কৰে। তীব্ৰ গৰমতো কম্বল বিতৰণৰ কথা শুনি বহু লোকে ধপলিয়াই আহিছিল অঞ্চলটোলৈ।

সম্পূৰ্ণ পঢ়ক