বি. চি. উৱেভ ডেস্ক, ৬এপ্ৰিলঃ টেক জগতৰ প্রভাবশালী ব্যক্তি ইলন মাস্কে যুক্তৰাষ্ট্র আৰু ইউৰোপৰ মাজত শুল্কমুক্ত বাণিজ্যৰ আহ্বান জনাইছে। শনিবাৰে (৫ এপ্ৰিল) ইটালীৰ ফ্ল’ৰেন্সত ফাৰ-ৰাইট লীগ দলৰ এখন সন্মিলনত তেওঁ ভিডিঅ’ কনফাৰেন্সৰ জৰিয়তে এই দাবী পুনৰবাৰ উল্লেখ কৰে। মাস্কৰ মতে উত্তৰ আমেৰিকা আৰু ইউৰোপৰ মাজত মুক্ত বাণিজ্যৰ ক্ষেত্ৰ সৃষ্টি হ’ব লাগে।
গাজাত ‘দুখৰ ঈদ’
বি. চি. উৱেভ ডেস্ক, ৯মাৰ্চঃ বিশ্বৰ ইছলাম ধৰ্মাৱলম্বী লোকসকলৰ দৰে গাজা ষ্ট্ৰিপৰ বাসিন্দাসকলেও এমাহৰ ৰোজা ৰখাৰ অন্তত দেওবাৰে পালন কৰে ঈদ আল-ফিতৰ। কিন্তু খাদ্য আৰু ইন্ধনৰ তীব্ৰ নাটনি, ইজৰাইলৰ আক্ৰমণ আৰু অৱৰোধৰ বাবে এইবাৰৰ ঈদ তেওঁলোকৰ বাবে এক বেলেগ অভিজ্ঞতা আছিল, যাক তেওঁলোকে ‘দুখৰ ঈদ’ বুলি অভিহিত কৰিছে।
ভূমিকম্পত বিধ্বস্ত ম্যানমাৰলৈ সাহায্য আৰু উদ্ধাৰকাৰী দল লৈ দৌৰিছে চুবুৰীয়া দেশসমূহ
বি. চি. উৱেভ ডেস্ক, ৯মাৰ্চঃ ভাৰতে যুদ্ধ জাহাজ আৰু বিমান ভৰাই ভূমিকম্পত বিধ্বস্ত ম্যানমাৰলৈ সাহায্য আৰু উদ্ধাৰ কৰ্মী প্ৰেৰণ কৰিছে। চীন, ছিংগাপুৰ আৰু থাইলেণ্ডৰ পৰাও সহায়ৰ হাত আগবঢ়াইছে ।
ৰাজতন্ত্ৰ ঘূৰাই অনাৰ দাবীত নেপালত হাজাৰ হাজাৰ লোকৰ সমবেশ, হিন্দুৰাষ্ট্র প্রত্যাবর্তনৰ দিশে নেপাল
উৱেভ ডেস্ক, ১০মাৰ্চঃ গণতন্ত্ৰৰ পৰা ৰাজতন্ত্ৰলৈ ঘূৰি অহাৰ বাবে নেপালৰ ৰাজপথত উত্তাল শ্লোগান। একে সময়তে ‘ধৰ্মনিৰপেক্ষ’ নেপালত পুনৰ হিন্দু ধৰ্মক ৰাষ্ট্ৰধৰ্ম হিচাপে স্বীকৃতি দিয়াৰ দাবীত এক সমাৱেশ অনুষ্ঠিত হয়। দেওবাৰে কাঠমাণ্ডুৰ ৰাজপথলৈ হাজাৰ হাজাৰ লোকলওলাই আহি পদচ্যুত ৰজা জ্ঞানেন্দ্ৰ শ্বাহক লৈ সমবেত মিলিত হয় ।
পশ্চিম নেপাল ভ্ৰমণ সম্পূৰ্ণ কৰি দেওবাৰে কাঠমাণ্ডুৰ ত্ৰিভুৱন আন্তঃৰাষ্ট্ৰীয় বিমানবন্দৰত উপস্থিত হয় জ্ঞানেন্দ্ৰ। তেওঁক আদৰিবলৈ বহু সংখ্যক সাধাৰণ নাগৰিক উপস্থিত থাকে। তাতেই উত্থাপন হয় "আমি ৰাজতন্ত্ৰ ঘূৰাই বিচাৰো" শ্লোগান। জ্ঞানেন্দ্ৰক পুনৰ ৰাজপ্ৰসাদত থাকিব দিবলৈও দাবী উত্থাপন হয়। ইয়াৰ সমান্তৰালকৈ নেপালক পুনৰ ‘হিন্দু ৰাষ্ট্ৰ’ ঘোষণা কৰাৰ দাবী উত্থাপিত হয়। জ্ঞানেন্দ্ৰৰ সমৰ্থনত বাইক শোভাযাত্ৰাও উলিওৱা হয়। নেপালৰ প্ৰধানমন্ত্ৰী কে পি শৰ্মাক অলিৰ আৰক্ষীয়ে কয় যে ৰাজতন্ত্ৰ সমৰ্থক সমাৱেশত প্ৰায় ১০ হাজাৰ লোক উপস্থিত আছিল। আনফালে জ্ঞানেন্দ্ৰক সমৰ্থন কৰা হিন্দুত্ববাদী ৰাজনৈতিক দল ৰাষ্ট্ৰীয় প্ৰজাতন্ত্ৰ পাৰ্টিয়ে দাবী কৰে যে সেই শোভাযাত্ৰাত লাখৰ ওপৰত লোক সমাবেত হয় !
দুই দশকৰ আগতে ভাৰতৰ উত্তৰ চুবুৰীয়া দেশ নেপালতো ৰাজতন্ত্ৰৰ প্ৰচলন আছিল। শেষ ৰজা আছিল জ্ঞানেন্দ্ৰ। ২০০৬ চনত তেওঁক ক্ষমতাৰ পৰা উৎখাত কৰা হৈছিল। ইয়াৰ পিছত ২০০৮ চনৰ মে’ মাহত সংবিধান সংশোধন কৰি নেপালত গণতান্ত্ৰিক শাসন ব্যৱস্থা প্ৰতিষ্ঠা কৰি ২৪০ বছৰীয়া ৰাজতন্ত্ৰৰ অন্ত পেলায়। ২০১৫ চনত এখন নতুন ‘ধৰ্মনিৰপেক্ষ’ সংবিধান অনুমোদন কৰা হয়। উচ্ছেদ হোৱাৰ পিছত জ্ঞানেন্দ্ৰই নেপালৰ এজন সাধাৰণ নাগৰিক হিচাপে জীয়াই আছিল। তেওঁৰ কোনো ৰাজনৈতিক বা প্ৰশাসনিক ক্ষমতা নাই। ৰাজপ্ৰসাদলৈ যোৱাৰ অনুমতিও নাই। তেওঁ কোনো চৰকাৰী সুবিধাও নাপায়।
নেপালত যেতিয়া ৰাজতন্ত্ৰ প্ৰতিষ্ঠা আছিল তেতিয়া দেশখন হিন্দু ৰাষ্ট্ৰ হিচাপে পৰিচিত আছিল। গণতন্ত্ৰ প্ৰতিষ্ঠাৰ পিছত নেপালক ধৰ্মনিৰপেক্ষ বুলি ঘোষণা কৰা হয়। পিছত সেই স্বীকৃতি দেশৰ সংবিধানতো দিয়া হ’ল। প্ৰসংগক্ৰমে ১৭৬৮ চনত তাতেই শ্বাহ বংশৰ আৰম্ভণি হৈছিল। জ্ঞানেন্দ্ৰৰ ককা ৰজা বীৰেন্দ্ৰ আছিল পৃথ্বীনৰায়ণৰ নৱম প্ৰজন্ম। তেওঁক হত্যা কৰি যুৱৰাজ দীপেন্দ্ৰই আত্মহত্যাৰ চেষ্টা চলাইছিল। মৃত্যুশয্যাতে তেওঁৰ অভিষেক হয়। বাচি নাথাকিল দিপেন্দ্ৰ। ২০০১ চনৰ জুন মাহত এই হত্যাকাণ্ডৰ পিছত জ্ঞানেন্দ্ৰই সিংহাসনত আৰোহণ কৰে। ৰাজনৈতিক অস্থিৰতা আৰু মাওবাদী সমস্যাক প্ৰত্যাহ্বান জনাই গণতান্ত্ৰিক চৰকাৰক অপসাৰণ কৰি ২০০৫ চনৰ আৰম্ভণিতে জ্ঞানেন্দ্ৰই ক্ষমতা দখল কৰে। ইয়াৰ পিছত তেওঁৰ বিৰুদ্ধে ৰাজহুৱা প্ৰতিবাদে দ্ৰুতগতিত গতি লাভ কৰে। এইবাৰ সেই একে পৰিস্থিতিৰ মুখামুখি হবলৈ গৈ আছে নেকি নেপাল ?
অনলাইন প্ৰেম, সাৱধান !
উৱেভ ডেস্ক, ৯মাৰ্চঃ অনলাইনত অচিনাকি মানুহৰ লগত হোৱা পৰিচয়ৰ পৰিণতি কেতিয়াবা ইমান ভয়াৱহ হ’ব পাৰে তাৰ এক বাস্তৱ উদাহৰণ হ’ল আমেৰিকাৰ ফ্ল’ৰিডা ৰাজ্যৰ এগৰাকী ছোৱালী মিৰাণ্ডা কৰ্চেট (১৬)। অনলাইন এনডিটিভিৰ প্ৰতিবেদন অনুসৰি, তেওঁৰ লগত চিনাকিৰ সূত্ৰে ষ্টিফেন গ্ৰেচ (৩৫) আৰু তেওঁৰ সংগী মিচেল ব্ৰেণ্ডেছে (৩৭) মিৰাণ্ডাক হত্যা কৰে। অনলাইন চিনাকি সূত্রে তেওঁলোকে মিৰাণ্ডাক অপহৰণ কৰিছিল। তাৰ পাছত, চতুৰতাৰে তাইৰ মুখত বল সুমুৱাই দি শ্বাসৰোধ কৰি হত্যা কৰে। এই হত্যা কাণ্ডত তেওঁলোকৰ জড়িত থকাৰ অভিযোগত আৰক্ষীয়ে ষ্টিফেন গ্ৰেচ আৰু তেওঁৰ সংগী ব্ৰেণ্ডেছক গ্ৰেপ্তাৰ কৰিছে।
মন কৰিবলগীয়া যে মিৰাণ্ডাই আইতাকৰ লগত গালফপ’ৰ্টত বাস কৰিছিল। ২৪ ফেব্ৰুৱাৰীৰ পৰা তেওঁক বিচাৰি পোৱা নাছিল। পিছত তদন্তকাৰীয়ে জানিব পাৰে যে গ্ৰেচ নামৰ এজন ব্যক্তিয়ে ডেটিং এপৰ জৰিয়তে মিৰাণ্ডাক প্ৰলোভিত কৰিছিল। মিৰাণ্ডাই প্ৰথমবাৰৰ বাবে ১৪ ফেব্ৰুৱাৰীত গ্ৰেচক লগ পাইছিল। তেওঁ চেণ্ট পিটাৰ্ছবাৰ্গৰ এটা এপাৰ্টমেণ্টত বাস কৰিছিল। গোটেই দিনটো তাতেই একেলগে কটাইছিল।
তাৰ পিছত গ্ৰেচে মিৰাণ্ডাক আইতাকৰ ঘৰত এৰি থৈ আহে। পিছদিনা মিৰাণ্ডাই গ্ৰেচৰ ঘৰলৈ পুনৰ আহি একেলগে সময় কটায়। এনেদৰে মিৰাণ্ডাই তেওঁলোকৰ লগত প্ৰায় এসপ্তাহ অতিবাহিত কৰে। কিন্তু ২০ ফেব্ৰুৱাৰীত পৰিস্থিতিয়ে নতুন ৰূপ লয়। গ্ৰেচ আৰু ব্ৰেণ্ডেছে মিৰাণ্ডাৰ বিৰুদ্ধে এটি আঙঠি চুৰি কৰাৰ অভিযোগ উত্থাপন কৰে। ইয়াৰ পিচতে তেওঁলোকৰ মাজত তৰ্ক-বিতৰ্ক আৰম্ভ হয়। কৰ্তৃপক্ষই জনোৱা মতে, মিৰাণ্ডাক তেওঁৰ ইচ্ছাৰ বিৰুদ্ধে এসপ্তাহতকৈ অধিক সময় ধৰি আৱদ্ধ কৰি ৰখা হৈছিল। তদন্তত প্ৰকাশ পাইছে যে এই কাল চোৱাত গ্ৰেচ আৰু ব্ৰেণ্ডেছে তেওঁক বাৰে বাৰে প্ৰহাৰ কৰিছিল। এটা সময়ত তেওঁলোকে জোৰকৈ বিলিয়াৰ্ডৰ বল এটা তেওঁৰ মুখত ভৰাই মুখত বান্ধি দিয়ে।
তদন্তকাৰী দলে ধাৰণা কৰে যে ২০ৰ পৰা ২৪ ফেব্ৰুৱাৰীৰ ভিতৰত মিৰাণ্ডাক হত্যা কৰা হৈছিল। হত্যাকাণ্ডৰ পিছত গ্ৰেচে তেওঁৰ মৃতদেহটো গাড়ীত লৈ গৈ এটা ঘৰত থৈ আহে। আৰু তাত মৃতদেহটো কেইবাটাও টুকুৰা কৰি কাটি পেলোৱা হয় বুলি তদন্তকাৰী দলটোৱে জানিবলৈ দিয়ে । মৃতদেহৰ কিছু অংশ হিলছব’ৰ’ কাউন্টিৰ ৰাস্কিনৰ এটি ডাম্পষ্টাৰত (বর্জ্য পেলোৱা পাত্র) পেলাই দিয়া হয়। তদন্তৰ পিছত গ্ৰেচৰ বিৰুদ্ধে হত্যা আৰু অপহৰণৰ গোচৰ ৰুজু কৰা হয়। ইফালে শনিবাৰে পুৱা ব্ৰেণ্ডেছে আত্মসমৰ্পণ কৰে। তেওঁৰ বিৰুদ্ধে একেটা গোচৰ ৰুজু কৰা হৈছিল।
কাশ্মীৰ আৰু মণিপুৰ সন্দৰ্ভত ফালকাৰ তুৰ্কৰ মন্তব্যক সমালোচনা ভাৰতৰ
নেচনেল ডেস্ক, ৮মাৰ্চঃ কাশ্মীৰ
আৰু মণিপুৰ সন্দৰ্ভত ৰাষ্ট্ৰসংঘৰ মানৱ অধিকাৰ উচ্চায়ুক্ত ফলকাৰ তুৰ্কে দিয়া
মন্তব্যক ভাৰতে ‘অভিধানহীন’ বুলি অভিহিত
কৰিছে। ৰাষ্ট্ৰসংঘত ভাৰতৰ স্থায়ী প্ৰতিনিধি অৰিন্দম বাগচিয়ে কয় যে এই মন্তব্যৰ ক্ষেত্ৰীয়
বাস্তৱতাৰ সৈতে কোনো সম্পৰ্ক নাই।
চুইজাৰলেণ্ডৰ জেনেভাত অনুষ্ঠিত
ৰাষ্ট্ৰসংঘৰ মানৱ অধিকাৰ পৰিষদৰ ৫৮ সংখ্যক অধিৱেশনত এই মন্তব্য প্ৰদান কৰে অৰিন্দম
বাগচিয়ে। তেওঁ কয়, "যেতিয়া ভাৰতৰ নাম উল্লেখ কৰা হৈছে, গতিকে মই এই কথাত গুৰুত্ব দিব বিচাৰিছো যে বিশ্বৰ সৰ্ববৃহৎ গণতন্ত্ৰ
হিচাপে ভাৰত এখন সুস্থ, সজীৱ আৰু বহুত্ববাদী সমাজ আছে, মানৱ
অধিকাৰ উচ্চায়ুক্ত ফলকাৰ তুৰ্কে যি কথা কৈছে সেয়া ভিত্তিহীন আৰু ইয়াৰ ক্ষেত্ৰ
ভিত্তিক বাস্তৱৰ লগত কোনো সম্পৰ্ক নাই। ভাৰতৰ জনসাধাৰণে বাৰে বাৰে আমাক লৈ কৰা এনে
ভুল চিন্তাক ভুল বুলি প্ৰমাণ কৰি আহিছে।
জম্মু-কাশ্মীৰ সন্দৰ্ভত ফাল্কাৰ তুৰ্কৰ
মন্তব্য সন্দৰ্ভত অৰিন্দম বাগচিয়ে কয় যে তেওঁ জম্মু-কাশ্মীৰৰ পৰিৱৰ্তে ‘অঞ্চলটোক কাশ্মীৰ বুলি ভুলকৈ উল্লেখ কৰিছিল’ এই ভুল
বৰ্ণনা এনে এটা সময়ত কৰা হৈছে যেতিয়া অঞ্চলটোৱে শান্তি আৰু উন্নয়নৰ ক্ষেত্ৰত
যথেষ্ট অগ্ৰগতি লাভ কৰিছে।
অৰিন্দম বাগচিয়ে লগতে কয় যে, “যেতিয়া অঞ্চলটোৱে নিৰাপত্তা উন্নত কৰা, স্থানীয়
নিৰ্বাচনত ভোটাৰৰ অভিলেখ সৃষ্টি কৰা, পৰ্যটন বৃদ্ধি আৰু
আন্তঃগাঁথনিৰ দ্ৰুত বৃদ্ধিৰ ক্ষেত্ৰত উল্লেখযোগ্য সফলতা লাভ কৰিছে, সেই সময়ত এই মন্তব্য কৰাটো প্ৰহসন যেন লাগে।”
তেওঁৰ ভাষণত ৰাষ্ট্ৰসংঘৰ মানৱ অধিকাৰ উচ্চায়ুক্তই
কয় যে মণিপুৰৰ হিংসাৰ মোকাবিলা আৰু জনসাধাৰণৰ পৰিস্থিতি উন্নত কৰাৰ বাবে চৰকাৰৰ
প্ৰচেষ্টা অধিক সক্ৰিয় হোৱাৰ প্ৰয়োজন।
মণিপুৰ সন্দৰ্ভত
তুৰ্কৰ উদ্বেগক উলাই কৰি অৰিন্দম বাগচিয়ে কয় যে ভাৰতৰ বৈচিত্ৰ্যপূৰ্ণ আৰু মুকলি
সংস্কৃতিক অধিক গভীৰভাৱে বুজাৰ প্ৰয়োজন আছে।
জন এফ কেনেডীৰ হত্যাকাণ্ডৰ কেইবা হাজাৰ নথি-পত্ৰ পোৱাৰ দাবী এফ বি আইৰ
উৱেভ ডেস্ক, ১১ফেব্ৰুৱাৰীঃ
আমেৰিকাৰ প্ৰাক্তন ৰাষ্ট্ৰপতি জন এফ কেনেডীৰ
হত্যাকাণ্ডৰ সৈতে জড়িত কেইবা হাজাৰ নথি-পত্ৰৰ সন্ধান পোৱা বুলি দাবী কৰিছে
আমেৰিকাৰ ফেডাৰেল ব্যুৰো অৱ ইনভেষ্টিগেশ্যনে(এফবিআই)।
আমেৰিকাৰ ৰাষ্ট্ৰপতি ড’নাল্ড ট্ৰাম্পৰ এটি কাৰ্যবাহী
আদেশ মানি এই নথি-পত্ৰ বিচাৰিবলৈ আৰম্ভ কৰে।
মঙলবাৰে এফ বি
আইয়ে জনোৱা মতে, অনুসন্ধানত প্ৰায় ২৪০০
নতুনকৈ তালিকাভুক্ত
কৰা আৰু ডিজিটেলাইজড নথি-পত্ৰ পোৱা গৈছে। ইয়াৰ পূৰ্বতে এই নথি-পত্ৰসমূহ জন এফ
কেনেডীৰ হত্যাকাণ্ডৰ সৈতে জড়িত বুলি ভবা নাছিল।
এফ বি আইয়ে এক
বিবৃতিত কয় যে নতুনকৈ উদ্ধাৰ হোৱা নথি-পত্ৰ সন্দৰ্ভত উপযুক্ত জাননী দিয়া হৈছে।
ইয়াৰ উপৰিও এই গোপনীয় নথিপত্ৰসমূহ গোপনীয়তামুক্ত কৰাৰ বাবে চলিত প্ৰক্ৰিয়াত
অন্তৰ্ভুক্ত কৰিবলৈ আমেৰিকাৰ ৰাষ্ট্ৰীয় আৰ্কাইভ আৰু সংৰক্ষণ প্ৰশাসনলৈ প্ৰেৰণ
কৰাৰ কামো কৰি আছে।
যোৱা মাহত আমেৰিকাৰ
ৰাষ্ট্ৰপতি ড’নাল্ড ট্ৰাম্পে জন এফ কেনেডী, তেওঁৰ কনিষ্ঠ ভাতৃ ৰবাৰ্ট এফ কেনেডি আৰু নাগৰিক অধিকাৰৰ প্রতীক
মাৰ্টিন লুথাৰ কিং জুনিয়ৰৰ হত্যাকাণ্ডৰ অসাধাৰণ অভিলেখকে ধৰি জন এফ কেনেডীৰ
হত্যাকাণ্ডৰ সৈতে জড়িত বাকী সকলো ফাইল মুকলি আৰু ৰাজহুৱাভাৱে মুকলি কৰাৰ নিৰ্দেশ
দিছিল। ইয়াৰ পিছতে এফ বি আইয়ে এই নথি-পত্ৰ পোৱা বুলি ঘোষণা কৰে।
সেই সময়ত ট্ৰাম্পে
কৈছিল যে এইটো এটা ডাঙৰ ঘটনা।
বহুতে ইয়াৰ বাবে বছৰ বছৰ ধৰি, দশকৰ পিচত দশক ধৰি
অপেক্ষা কৰি আহিছে। এতিয়া সকলো প্ৰকাশ কৰা হব।
১৯৬৩ চনৰ ২২
নৱেম্বৰত টেক্সাছৰ ডালাছত তেতিয়াৰ আমেৰিকাৰ ৰাষ্ট্ৰপতি জন এফ কেনেডীক হত্যা কৰা
হয়। দশকৰ পিচত দশক ধৰি তেওঁৰ হত্যাকাণ্ডক কেন্দ্ৰ কৰি বহুতো ষড়যন্ত্ৰমূলক
তত্ত্বৰ সৃষ্টি হৈ আহিছে। বিভিন্ন সমীক্ষাত এই হত্যাকাণ্ডৰ আনুষ্ঠানিক ব্যাখ্যাক
লৈ ব্যাপক সন্দেহ প্ৰকাশ কৰা হৈছে।
২০২৩ চনত গ্যালাপৰ
এক সমীক্ষাত ৬৫ শতাংশ আমেৰিকান লোকে কয় যে, লি হাৰ্ভে অছৱাল্ডে অকলে জন এফ
কেনেডীক হত্যা কৰা বুলি ৱাৰেণ আয়োগে যি
সিন্ধান্ত দিছিল তাক তেওঁলোকে বিশ্বাস নকৰে।
ট্ৰাম্পৰ স্বাস্থ্য
স্বাস্থ্যমন্ত্রী হিচাপে মনোনীত
প্রার্থী আৰু
ৰবাৰ্ট এফ কেনেডীৰ পুত্ৰ ৰবাৰ্ট এফ কেনেডি জুনিয়ৰে ২০২৩ চনত দিয়া এক সাক্ষাৎকাৰত
দাবী কৰিছিল যে তেওঁৰ খুৰাকৰ হত্যাকাণ্ডত চিআইএ জড়িত হোৱাৰ “অনস্বীকাৰ্য” আৰু “অতি
বিশ্বাসযোগ্য” প্ৰমাণ পোৱা গৈছে।
ৰাষ্ট্ৰপতি হিচাপে
প্ৰথম কাৰ্যকালত এই হত্যাকাণ্ডৰ বাকী থকা সকলো তথ্য প্ৰকাশ কৰাৰ প্ৰতিশ্ৰুতি দিছিল
ট্ৰাম্পে। কিন্তু অৱশেষত তেওঁ পৰ্যালোচনাৰ
বাবে অপেক্ষাত থকা হাজাৰ হাজাৰ ফাইল জমা হৈ থকাৰ বাবে চিআইএ আৰু এফবিআইৰ হেঁচাত নত
স্বীকাৰ
কৰিছিল । পিছলৈ অৱশ্যে তেওঁ প্ৰায় ২৮০০ নথি-পত্ৰ প্ৰকাশৰ অনুমতি প্ৰদান কৰিছিল।
আমেৰিকাৰ প্ৰাক্তন
ৰাষ্ট্ৰপতি জো বাইডেনৰ প্ৰশাসনে প্ৰায় ১৭ হাজাৰ নথি প্ৰকাশ কৰিছে । সেই সময়ত
৪৭০০তকৈও কম নথি-পত্ৰ আংশিকভাৱে বা সম্পূৰ্ণৰূপে বন্ধ কৰি ৰখা হৈছিল।
নেশ্যনেল আৰ্কাইভৰ
মতে,
জে এফ কে তথ্য আইনৰ অধীনত কৰ্তৃপক্ষই জন এফ কেনেডীৰ হত্যাকাণ্ডৰ
সৈতে সম্পর্কিত
প্ৰায় ৩ লাখ ২০ হাজাৰ নথি-পত্ৰৰ ৯৯ শতাংশতকৈ অধিক নথি-পত্ৰ প্রকাশ কৰিছে।
বাক স্বাধীনতাৰ বাবে শান্তিৰ নোবেল বঁটাৰ মনোনয়ন লাভ কৰে মাস্কে
উৱেভ ডেস্ক, ২ফেব্ৰুৱাৰীঃ বাক স্বাধীনতাৰ ক্ষেত্ৰত আগবঢ়োৱা অৱদানৰ বাবে কোটিপতি ইলন মাস্কক শান্তিৰ নোবেল বঁটাৰ বাবে মনোনীত কৰা হৈছে। ২০২৫ চনৰ শান্তি নোবেল বঁটাৰ বাবে মনোনীত হৈছে ইলন । ইউৰোপীয় সংঘৰ সংসদৰ সদস্য ব্ৰাংকো গ্ৰাইমছে কয় যে টেছলা আৰু স্পেচএক্সৰ মালিক মাস্কক শান্তি নোবেল বঁটাৰ বাবে মনোনীত কৰিবলৈ নৰৱেৰ নোবেল কমিটীৰ সৈতে যোগাযোগ কৰা হৈছে। তেওঁ কয় যে বাক স্বাধীনতা আৰু শান্তিৰ মৌলিক মানৱ অধিকাৰৰ প্ৰতি মাস্কৰ অৱদানৰ স্বীকৃতি স্বৰূপে এই মনোনয়ন দিয়া হৈছে। অনলাইন এনডিটিভিৰ প্ৰতিবেদনত এই খবৰ প্ৰকাশ। এনডিটিভিৰ প্ৰতিবেদনত কোৱা হৈছে যে ইলেক্ট্ৰিক গাড়ী নিৰ্মাতা কোম্পানী টেছলা আৰু মহাকাশচাৰী আৰু মহাকাশ অভিযানৰ বাবে সঁজুলি নিৰ্মাতা স্পেচএক্সৰ মালিক ইলন মাস্ক এসময়ত টুইটাৰ নামেৰে জনাজাত ছ’চিয়েল মিডিয়া প্লেটফৰ্ম এক্সৰ মালিকো। ২০২৩ চনত তেওঁ টুইটাৰৰ মালিকীস্বত্ব ক্ৰয় কৰিছিল।
যোৱা ডিচেম্বৰ মাহত ব্ৰাছেলছত
অনুষ্ঠিত এক অনুষ্ঠানত গ্ৰাইমছে কৈছিল যে মাস্কে “বাক স্বাধীনতা”ৰ প্ৰচাৰ আৰু সুৰক্ষাৰ বাবে শান্তিৰ নোবেল বঁটাৰ যোগ্য। তেওঁ ক’লে, মই নোবেল কমিটীলৈ এটা প্ৰস্তাৱ প্ৰেৰণ কৰিম যাতে
অহা বছৰ মাস্কে শান্তিৰ নোবেল বঁটা লাভ কৰে। গ্ৰাইমছৰ মন্তব্যৰ এমাহৰ ভিতৰতে নৰৱেৰ
নোবেল কমিটীয়ে মাস্কক মনোনীত কৰে। প্ৰসংগক্ৰমে এই ৫টা ক্ষেত্ৰত - পদাৰ্থ বিজ্ঞান,
ৰসায়ন বিজ্ঞান, চিকিৎসা বিজ্ঞান, সাহিত্য আৰু শান্তিৰ অসাধাৰণ অৱদানৰ বাবে প্ৰতি বছৰে বিশ্বৰ আটাইতকৈ
সন্মানীয় বঁটা নোবেল বঁটা প্ৰদান কৰা হয়। নৰৱেৰ নোবেল কমিটীয়ে শান্তিৰ নোবেল
বঁটা প্ৰদান কৰে আৰু বাকী ৫টা নোবেল বঁটা ছুইডেনৰ ছুইডেনৰ ৰয়েল একাডেমীয়ে প্ৰদান
কৰে।
পেন্টাগনৰ পৰা দ্যা নিউয়ৰ্ক টাইমছকে ধৰি চাৰিটা সংবাদ মাধ্যমক আঁতৰাই দিয়ে ট্ৰাম্পে
উৱেভ ডেস্ক, ২ফেব্ৰুৱাৰীঃ ৰাষ্ট্ৰপতি ড’নাল্ড ট্ৰাম্পৰ প্ৰশাসনে আমেৰিকাৰ প্ৰতিৰক্ষা মুখ্য কাৰ্যালয় পেন্টাগনৰ পৰা দা নিউয়ৰ্ক টাইমছকে ধৰি চাৰিটা সংবাদ মাধ্যমৰ কাৰ্যালয় আঁতৰাই দিছে। আন কিছুমানক প্ৰতিষ্ঠানৰ বাবে এই স্থানসমূহত আবণ্টিত দিয়া হ’ব বুলি জানিব পৰা গৈছে। ট্ৰাম্পৰ প্ৰশাসনে এই সিদ্ধান্ত শুকুৰবাৰে ঘোষণা কৰে।
‘নিউ এনুৱেল মিডিয়া ৰোটেচন প্ৰগ্ৰেম’ৰ ওপৰত প্ৰকাশিত
এক তথ্য অনুসৰি দা নিউয়ৰ্ক টাইমছৰ উপৰিও ট্ৰাম্প প্ৰশাসনে পেন্টাগনৰ পৰা আঁতৰাই
পেলোৱা মিডিয়া তিনিটা ক্ৰমে নেশ্যনেল পাব্লিক ৰেডিঅ’ (এনপিআৰ),
কমকাষ্ট কৰ্প’ৰেশ্যনৰ মালিকানাধীন এনবিচি নিউজ
আৰু পলিটিকো। ১৪ ফেব্ৰুৱাৰীৰ ভিতৰত প্ৰতিষ্ঠানসমূহে নিজৰ চৌহদ খালী কৰিব লাগিব।
এই সংবাদ মাধ্যমৰ পৰিৱৰ্তে নিউয়ৰ্ক পোষ্ট, ৱান আমেৰিকা নিউজ নেটৱৰ্ক, ব্ৰেইটবাৰ্ট নিউজ নেটৱৰ্ক আৰু হাফপোষ্ট নিউজে পেন্টাগনত কাৰ্যালয় মুকলি
কৰিব।
ট্ৰাম্প প্ৰশাসনৰ এই ঘোষণাৰ প্ৰত্যুত্তৰত এনবিচি নিউজৰ এগৰাকী মুখপাত্ৰই
ইমেইলযোগে কয় যে আমি দশক দশক ধৰি পেন্টাগনৰ পৰা সম্প্ৰচাৰ কৰি আহিছো। এতিয়া সেই
সম্প্ৰচাৰ বুথত আমাৰ প্ৰৱেশ বাতিল কৰাৰ এই সিদ্ধান্তত আমি হতাশ হৈছো।
মুখপাত্ৰগৰাকীয়ে লগতে কয় যে এই সিদ্ধান্তই ৰাষ্ট্ৰীয় জনস্বাৰ্থৰ বাতৰি
সংগ্ৰহ আৰু সম্প্ৰচাৰ কৰাৰ ক্ষেত্ৰত আমাৰ ক্ষমতাত এক বৃহৎ বাধাৰ সৃষ্টি কৰিব।
ইয়াৰ পিছতো আমি সদায় যি সততা আৰু দৃঢ়তাৰে প্ৰতিবেদন দি আহিছো, আগন্তুক দিনতো দি যাম।
ট্ৰাম্প প্ৰশাসনৰ এনে কাৰ্য্যৰ পিছতো দা নিউয়ৰ্ক টাইমছে কয় যে আমি সম্পূৰ্ণ
নিৰপেক্ষভাৱে বাতৰি সংগ্ৰহ আৰু প্ৰচাৰৰ প্ৰতিশ্ৰুতি বজাই ৰাখিব।
নিউয়ৰ্ক টাইমছেও এক বিবৃতিত কয় যে, “প্ৰৱেশ বন্ধ কৰাৰ এই পদক্ষেপ
স্পষ্টভাৱে জনস্বাৰ্থ বিৰোধী।”
ইফালে এনপিআৰে প্ৰতিৰক্ষা বিভাগক পেন্টাগনত সংবাদ মাধ্যমৰ স্থান বৃদ্ধি
কৰিবলৈ আহ্বান জনায় যাতে সকলোৱে সমানে সুবিধা লাভ কৰে তাৰ বাবে চৰকাৰৰ ওচৰত দাবী
জনায়।
ইয়াৰ উপৰিও পলিটিকোৰ জ্যেষ্ঠ পৰিচালন সম্পাদক অনিতা কুমাৰে কৰ্মচাৰীসকললৈ
লিখা এখন টোকাত এই সিদ্ধান্তক লৈ কোম্পানীটোৰ অস্বস্তি প্ৰকাশ কৰে।
আমেৰিকাৰ প্ৰতিৰক্ষা মুখ্য
কাৰ্যালয়ৰ পৰা বাতৰি সংগ্ৰহ কৰা সাংবাদিকৰ সংস্থা পেন্টাগন প্ৰেছ এছ’চিয়েশ্যনে কয় যে এই
ধৰণে উচ্চতম পেছাদাৰী সংবাদ মাধ্যমক বাহিৰ কৰি দিয়া সিদ্ধান্তত তেওঁলোক অতি অস্বস্তিত
পৰিছে।
কংগোৰ সংঘর্ষত সাত দিনত ৭ শতাধিক লোকৰ প্ৰাণ নাশ
উৱেভ ডেস্ক, ১ফেব্ৰুৱাৰীঃ
মধ্য আফ্ৰিকাৰ দেশ ডেম’ক্ৰেটিক কংগোৰ সৰ্ববৃহৎ চহৰ গোমাত ৭ দিনৰ সংঘর্ষত
কমেও ৭০০ লোকৰ মৃত্যু হৈছে। বিবিচিৰ বাতৰি অনুসৰি ৰুৱাণ্ডাৰ সমৰ্থিত বিদ্ৰোহী
সংগঠন এম ২৩ য়ে দেশখনৰ দক্ষিণ কিভু প্ৰদেশৰ ৰাজধানী চহৰ গোমা দখল কৰি সংঘাত
অব্যাহত ৰাখিছে।
শনিবাৰে
ৰাষ্ট্ৰসংঘই এক বিবৃতিত কয় যে উত্তৰ কিভু প্ৰদেশৰ ৰাজধানী গোমা দখল কৰিবলৈ যোৱা
দেওবাৰৰ পৰা টুট্সি জনগোষ্ঠীয় বিদ্ৰোহী সংগঠন এম ২৩য়ে এই সংঘর্ষ
চলাই আহিছে। দেওবাৰৰ পৰা পূব গণতান্ত্ৰিক ৰিপাব্লিক অৱ কংগোৰ সৰ্ববৃহৎ চহৰ গোমাত
তীব্ৰ সংঘর্ষত
কমেও ৭০০ লোক নিহত হোৱা বুলি ৰাষ্ট্ৰসংঘই প্ৰকাশ কৰিছে। মৃতকৰ সংখ্যা আৰু বৃদ্ধি
পাব পাৰে বুলি সূত্ৰটোত প্ৰকাশ।
ৰাষ্ট্ৰসংঘৰ
মুখপাত্ৰ ষ্টিফেন ডুজাৰিকে কয় যে যোৱা দেওবাৰৰ পৰা ৰুৱাণ্ডা সমৰ্থিত এম ২৩
বিদ্ৰোহীৰ আক্ৰমণত ৭০০ লোক নিহত হৈছে আৰু ২৮০০ লোক আহত হৈছে। উত্তৰ কিভুৰ গোমা দখল
কৰি দক্ষিণ দিশলৈ আগবাঢ়িছে বিদ্ৰোহী। বিদ্ৰোহীসকলে দক্ষিণ কিভু প্ৰদেশৰ ৰাজধানী
বুকাভু অভিমুখে ৰাওনা হৈছে।
নব্বৈৰ দশকৰ পৰা
আৰম্ভ হোৱা ডেম’ক্ৰেটিক কংগোৰ সংঘাত যোৱা কেইসপ্তাহমানৰ
পৰা তীব্ৰতৰ হৈ পৰিছে। জনগোষ্ঠীয় টুট্চিৰে গঠিত এম ২৩ বিদ্ৰোহীয়ে কয় যে
তেওঁলোকে সংখ্যালঘুৰ অধিকাৰৰ বাবে যুঁজি আছে।
আনহাতে কংগো চৰকাৰে
দাবী কৰিছে যে ৰুৱাণ্ডা সমৰ্থিত বিদ্ৰোহীয়ে পূব অঞ্চলৰ বিশাল খনিজ সম্পদ
নিয়ন্ত্ৰণ কৰিবলৈ সংঘাত আৰম্ভ কৰিছে। কংগোৰ বৈদেশিক মন্ত্ৰী থেৰেছা কাইকৱাম্বা
ৱেগনাৰে কয় যে ৰুৱাণ্ডাই অবৈধভাৱে কংগো দখল কৰি শাসন ব্যৱস্থা সলনি কৰাৰ চেষ্টা
চলাইছে।
এম ২৩ বিদ্ৰোহীক
ৰোধ কৰিবলৈ কংগোৰ সেনাই গোমা আৰু বুকাভুৰ মাজৰ পথত বেৰিকেড স্থাপন কৰিছে। শ শ
অসামৰিক স্বেচ্ছাসেৱকে বুকাভুক ৰক্ষাৰ বাবে সেনাবাহিনীত যোগদান কৰে বুলি এক সূত্ৰত
প্ৰকাশ।
অৱশ্যে কংগোৰ
ৰাজধানী কিনছাছাত উপস্থিত নোহোৱালৈকে বিদ্ৰোহীসকলে আক্ৰমণ অব্যাহত ৰাখিব বুলি
ঘোষণা কৰিছে। কংগোৱে অভিযোগ কৰিছে যে ৩ হাজাৰৰ পৰা ৪ হাজাৰ ৰুৱাণ্ডাৰ সৈন্যই এম
২৩ৰ সৈতে কাম কৰি আছে।
চীনৰ তিব্বতত বিশ্বৰ সৰ্ববৃহৎ জলবিদ্যুৎ বান্ধঃ চীনৰ কথাত ভাৰত আশ্বস্ত নেকি
উৱেভ ডেস্ক, ২৮ জানুৱাৰীঃ বিশ্বৰ সৰ্ববৃহৎ
জলবিদ্যুৎ বান্ধ নিৰ্মাণ প্ৰকল্পত অনুমোদন চীনেৰ ।তিব্বতৰ মালভূমিৰ পূব দিশত এক
অভিলাষী প্ৰকল্পৰ কাম আৰম্ভ কৰিছে বেইজিঙে, যিয়ে
চুবুৰীয়া দেশসমূহত ডাঙৰ প্ৰভাৱ পেলাব পাৰে বুলি বিশেজ্ঞ সকলে মত পোষণ কৰিছে।
কিন্তু চীনে এই সন্দৰ্ভত ভাৰতক আশ্বাস দিয়ে যে তেওঁলোকে চুবুৰীয়া দেশৰ ক্ষতি কৰি
নিজৰ উপকাৰৰ চেষ্টা নকৰে।
পৰিকল্পনা অনুসৰি
য়াৰলুং জাংপো নদীৰ তলৰ অংশত এই বান্ধ নিৰ্মাণ কৰা হ’ব। ২০২০ চনত চীনৰ শক্তি নিৰ্মাণ নিগমৰ হিচাপ অনুসৰি এই বান্ধটোৰ পৰা বছৰি
৩০ লাখ কৌটি কিলোৱাট-ঘণ্টা বিদ্যুৎ উৎপাদন হ’ব বুলি আশা কৰা
হৈছে।
য়ৰলুং জাংপো নদী খনে তিব্বত
সীমান্তৰ সীমা পাৰ হৈ অৰুণাচল প্ৰদেশ আৰু অসমৰ মাজেৰে ব্ৰহ্মপুত্ৰ নাম লৈ বাংলাদেশৰ
মাজেৰে বৈ গৈছে। এই বান্ধৰ ফলত ব্ৰহ্মপুত্ৰ নদীত প্ৰভাৱ পৰিব পাৰে বুলি উদ্বেগ
সৃষ্টি কৰিছে। নদীখনে লাখ লাখ মানুহৰ পানীৰ উৎস।
ভাৰতত থকা চীনৰ
দূতাবাসৰ চাৰ্জ ডি এফেয়াৰ্ছ ৱাং লেইয়ে যোৱা সপ্তাহত ইণ্ডিয়ান এক্সপ্ৰেছত এই
উদ্বেগসমূহৰ সমাধানৰ প্ৰয়াসত এটা লেখা লিখিছিল। প্ৰকল্পটোৰ সমালোচকসকলে ইয়াক ‘চীনা অস্ত্ৰ’ বুলি ভুলকৈ লেবেল লগাইছে বুলিও তেওঁৰ
লিখনিত প্ৰকাশ কৰিছে।
তেওঁ লগতে লিখিছে যে, ‘চীনে চুবুৰীয়া দেশৰ সৈতে বন্ধুত্ব আৰু অংশীদাৰিত্ব গঢ়ি তোলাৰ নীতিত অটল।
নিজৰ লাভৰ বাবে চুবুৰীয়া দেশৰ ক্ষতি কৰাটো বহু দূৰৰ কথা, চীনে
কেতিয়াও একপক্ষীয় স্বাৰ্থৰ পিছত লগা নাই। চীনে কেতিয়াও ‘জল
আধিপত্য’ বিচৰা নাই আৰু কেতিয়াও নিবিচাৰে।
তেওঁ লিখিছে, “চীনে চুবুৰীয়া দেশসমূহৰ সৈতে ৫০টাতকৈও অধিক জলসম্পদ ব্যৱস্থাপনা চুক্তিত
স্বাক্ষৰ কৰিছে আৰু সহযোগিতামূলক নদী উন্নয়ন আৰু পৰিৱেশ সুৰক্ষাৰ বাবে ১০টা আন্তঃসীমান্ত
প্ৰতিষ্ঠান সৃষ্টি কৰিছে।”
ৱাং আৰে লিখিছে, চীনে সীমা অতিক্ৰম কৰি নদী উন্নয়নৰ প্ৰতি দায়িত্বশীল মনোভাৱ মানি চলে
আৰু ইয়াৰ ব্যৱহাৰ আৰু সুৰক্ষাৰ মাজত ভাৰসাম্য ৰক্ষাৰ নীতি অনুসৰণ কৰে। তেওঁ লগতে
লিখিছে যে প্ৰকল্পটোৰ কাম আগবাঢ়ি যোৱাৰ লগে লগে চীনে সময়ত অধিক তথ্য প্ৰকাশ
কৰিব।
ইতিমধ্যে
চীনে তিব্বতৰ পশ্চিমৰ পৰা পূবলৈ বৈ যোৱা ইয়াৰলুং জাংপো নদীৰ ওপৰত জলবিদ্যুৎ শক্তি
উৎপাদন আৰম্ভ কৰিছে। ইয়াৰ উৰ্ধমুখী দিশত আৰু অধিক প্ৰকল্প নিৰ্মাণৰ পৰিকল্পনা কৰা
হৈছে।
ট্ৰাম্পৰ
নাগৰিকত্ব নীতিৰ বাবে বিপদত ভাৰতীয় অন্তঃসত্ত্বা
মহিলা
উৱেভ ডেস্ক,২৪ জানুৱাৰীঃ ৰাষ্ট্ৰপতি ড’নাল্ড ট্ৰাম্পৰ নতুন নাগৰিকত্ব নীতি কাৰ্যকৰী হোৱাৰ পূৰ্বেই ভাৰতীয়সকলে নিজৰ সন্তানক আমেৰিকাৰ নাগৰিকত্ব দিবলৈ হেতা- ওপৰা লগাইছে। অকাল প্ৰসৱৰ আশংকা থকাৰ পিছতো বহুতে ২০ ফেব্ৰুৱাৰীৰ পূৰ্বে চিজাৰিয়ান প্ৰসৱৰ বাবে চিকিৎসকৰ ওচৰলৈ গৈছে। এই তথ্য টাইমছ অৱ ইণ্ডিয়াৰ এক প্ৰতিবেদনত জানিব পৰা গৈছে।
ট্ৰাম্প
প্ৰশাসনে ২০ ফেব্ৰুৱাৰীৰ পৰা কাৰ্যকৰী হোৱাকৈ আমেৰিকাত জন্মগ্ৰহণ কৰা শিশুৰ
স্বয়ংক্ৰিয় নাগৰিকত্বৰ ১৫৬ বছৰীয়া আইন বাতিল কৰাৰ সিদ্ধান্ত গ্ৰহণ কৰিছে। নতুন
নিয়ম অনুসৰি আমেৰিকাত জন্ম লোৱা শিশুৱে আমেৰিকাৰ নাগৰিকত্ব লাভ নকৰে। এই
সিদ্ধান্তৰ পৰিপ্ৰেক্ষিতত টেক্সাছ, নিউ জাৰ্চিকে
ধৰি বিভিন্ন ৰাজ্যৰ ভাৰতীয় দম্পতীয়ে ২০ ফেব্ৰুৱাৰীৰ পূৰ্বে সন্তান জন্ম দিবলৈ
চিকিৎসকৰ সৈতে যোগাযোগ কৰিছে।
নিউ জাৰ্ছিৰ চিকিৎসক এছ ডি ৰামে কয় যে চিজাৰিয়ান প্ৰসৱৰ বাবে আগ্ৰহী হোৱাৰ সংখ্যা বৃদ্ধি পাইছে। মাৰ্চ মাহত প্ৰসৱ হ’বলগীয়া ৮-৯ মাহৰ গৰ্ভৱতী মহিলাসকলৰ ভিতৰত ২০ ফেব্ৰুৱাৰীৰ আগতে সন্তান জন্ম দিবলৈ বিচাৰিছে। টেক্সাছৰ এজন চিকিৎসক এছ জি মুক্কালেও একেধৰণৰ অভিজ্ঞতাৰ কথা জনাইছে। যোৱা দুদিনত প্ৰায় ২০ গৰাকী গৰ্ভৱতী মহিলাই অকালতে চিজাৰিয়ান প্ৰসৱৰ বাবে তেওঁৰ ওচৰলৈ গৈছে। অসুৰক্ষিত চিজাৰিয়ান প্ৰসৱৰ বিপদৰ বিষয়ে সকীয়াই দিছে চিকিৎসকে। অকালতে জন্ম লোৱা শিশুৰ কম ওজন, অপৰিপক্ক হাওঁফাওঁকে ধৰি বিভিন্ন শাৰীৰিক জটিলতা হ’ব পাৰে বুলি সকীয়াই দিছে চিকিৎসকে।
বাণিজ্য যুদ্ধৰ আশংকাঃ চীনকে ধৰি তিনিখন দেশৰ ওপৰত শুল্ক আৰোপ কৰাৰ হুংকাৰ ট্ৰাম্পেৰ
উৱেভ ডেস্ক, ২৩ জানুৱাৰীঃ চীন, কানাডা আৰু মেক্সিকোৰ পৰা আমদানিৰ ওপৰত নতুন শুল্ক
আৰোপ কৰাৰ পৰিকল্পনা ঘোষণা কৰিছে আমেৰিকাৰ ৰাষ্ট্ৰপতি ড’নাল্ড
ট্ৰাম্পে। তেওঁ কয় যে ১ ফেব্ৰুৱাৰীৰ পৰা চীনৰ সামগ্ৰীৰ ওপৰত ১০ শতাংশ শুল্ক আৰোপ
কৰা হ’ব। বিশ্লেষকসকলে আশংকা কৰিছে যে এই পদক্ষেপে বিশ্ব
বাণিজ্য যুদ্ধৰ সূচনা কৰিব পাৰে।
সোমবাৰে ট্ৰাম্পে কানাডা আৰু মেক্সিকোৰ পৰা
আমদানিৰ ওপৰত ২৫ শতাংশ শুল্ক আৰোপ কৰাৰ হুংকাৰ দিয়ে। বিষনাশক ফেণ্টানিল আৰু অবৈধ
অনুপ্ৰৱেশকাৰীক আমেৰিকালৈ পঠোৱাৰ প্ৰতিক্ৰিয়া স্বৰূপে তেওঁ এই ভাবুকি দিয়ে।
মঙলবাৰে হোৱাইট হাউছত ট্ৰাম্পে কয় যে ফেণ্টানিল
সৰবৰাহৰ ক্ষেত্ৰত চীনে লোৱা ভূমিকাৰ বাবে চীনে ১০ শতাংশ শুল্কৰ সন্মুখীন হ’ব লাগিব। তেওঁ অভিযোগ কৰে যে চীনৰ
পৰা কানাডা আৰু মেক্সিকো হৈ ফেণ্টানিল আমেৰিকালৈ সৰবৰাহ কৰা হৈছে।
ট্ৰাম্পে কয় যে আমি চীনৰ ওপৰত ১০ শতাংশ শুল্কৰ
কথা কৈছো কাৰণ তেওঁলোকে মেক্সিকো আৰু কানাডালৈ ফেণ্টানিল প্ৰেৰণ কৰিছে।
বিশ্লেষকসকলৰ মতে ট্ৰাম্পে চীন, কানাডা আৰু মেক্সিকোৰ ওপৰত শুল্ক
আৰোপ কৰাৰ পৰিকল্পনাই আমেৰিকাৰ অৰ্থনীতিত নেতিবাচক প্ৰভাৱ পেলাব পাৰে আৰু বিশ্ব
বাণিজ্য যুদ্ধৰ সূচনা কৰিব পাৰে।
নিউয়ৰ্ক টাইমছৰ এক প্ৰতিবেদন অনুসৰি, প্ৰথম কাৰ্যকালত ট্ৰাম্পে কানাডা
আৰু মেক্সিকোৰ সৈতে নতুন বাণিজ্যিক চুক্তি আৰু চীনৰ সৈতে চুক্তি কৰি আমেৰিকাৰ
কৃষকসকলৰ উপকাৰ সাধন কৰিছিল। অৱশ্যে দ্বিতীয় কাৰ্যকালত দুয়োখন চুক্তি পুনৰীক্ষণ
কৰাৰ ইংগিত দিয়ে।
ট্ৰাম্পৰ এই পৰিকল্পনাৰ প্ৰতি সঁহাৰি জনাই চীনৰ
বৈদেশিক মন্ত্ৰালয়ৰ মুখপাত্ৰ মাও নিঙে কয় যে বেইজিঙে নিজৰ জাতীয় স্বাৰ্থ
সুৰক্ষিত কৰিব। চীনৰ সংবাদ মাধ্যম গ্ল’বেল টাইমছৰ আগত তেওঁ কয় যে বাণিজ্য যুদ্ধ বা শুল্ক
যুদ্ধত কোনো বিজয়ী নাই আৰু চীনে নিজৰ জাতীয় স্বাৰ্থক দৃঢ়তাৰে ৰক্ষা কৰিব।
‘হিটলাৰআছিলসমকামী, ব্ৰিটিছ প্ৰেমিকাৰ ডায়েৰীত বিস্ফোৰক তথ্য
উৱেভ ডেস্ক, ২২ জানুৱাৰীঃ ১৯৪৫ চনৰ ৩০ এপ্ৰিলত বাৰ্লিনৰ বাংকাৰত এডলফ
হিটলাৰে নিজকে গুলীয়াই আত্মহত্যা কৰে। সংগী আছিল ইভা ব্ৰাউন। যাক ফুয়াৰে দুদিন
আগতে বিয়া কৰাইছিল। সেই মৃত্যুৰ আঠ দশক পাৰ হৈ গ’ল। তথাপিও তেওঁলৈ সমগ্ৰ বিশ্বৰ কৌতুহলৰ কোনো অন্ত
নাই। তেওঁৰ বিষয়ে কোনো নতুন খবৰ ওলালেই বিশ্বতেই হুলস্থুলৰ সৃষ্টি হয়। এইবাৰ সেই
উত্তেজনাৰ সৃষ্টি কৰিছ হিটলাৰৰ ব্ৰিটিছ প্ৰেমিকা ইউনিটি মিটফোৰ্ডৰ ডায়েৰীৰ পৰাই ।
কেনে আছিল নাজী সেনাপতি? হিটলাৰৰ বিষয়ে মিটফোৰ্ডে নিজৰ
ডায়েৰীত লিখিছিল, "তেওঁ অতি মিঠা আৰু সমকামী।" এই
বক্তব্য আৰু এই ডায়েৰীখনক কেন্দ্ৰ কৰিয়েই হুলস্থুলীয়া পৰিৱেশৰ সৃষ্টি হৈছে।
ইতিহাসৰ পৃষ্ঠাবোৰ
লুতিয়ালে দেখা যায় যে ফুয়েৰাবেৰ প্ৰেমিকাৰ সংখ্যা কম নাছিল। ত্ৰিশৰ দশকত ইউনিটি
মিটফোৰ্ডৰ সৈতে হিটলাৰৰ অন্তৰংগ সম্পৰ্ক আছিল। মিটফোৰ্ডে তেওঁলোকৰ প্ৰেম কাহিনী
ডায়েৰীত লিপিবদ্ধ কৰিছিল। শেহতীয়াকৈ ডায়েৰীখন উদ্ধাৰ কৰি প্ৰকাশ কৰা হৈছে। সেই
ডায়েৰীৰ পৃষ্ঠাই পৃষ্ঠাই হিটলাৰৰ সৈতে থকা সম্পৰ্কৰ কথা কবললৈ গৈ ইউনিটিয়ে লিখিছে, ‘তাই হিটলাৰৰ ভালপোৱাৰ বাবে
আগ্ৰহেৰে বাট চাই আছিল। ডায়েৰীৰ পৃষ্ঠাই পৃষ্ঠাই তেওঁ বাৰে বাৰে লিখা দেখা যায়, ‘হিটলাৰ আছিল অতি মিঠা আৰু সমকামী।’ ১৯৩৫ চনৰ পৰা
১৯৩৯ চনলৈকে দুয়োৰে ১৩৯ বাৰ লগ হৈছিল।
প্ৰথম দৃষ্টিতে তেওঁ হিটলাৰৰ প্ৰেমত পৰিল। ডায়েৰীখনত এইটোও উল্লেখ আছে যে হিটলাৰৰ
দৰে আন কোনো ব্ৰিটিছ নাগৰিকে তেওঁৰ ইমান ওচৰ চাপিব নোৱাৰিলে।
১৯৩৯ চনৰ ১ ছেপ্টেম্বৰত
হিটলাৰৰ ব্ৰিটিছ প্ৰেমিকৰ ডায়েৰীৰ পাত শেষ হয় । যিদিনা পোলেণ্ড জাৰ্মানীয়ে দখল
কৰিছিল। তাৰ পিছত জাৰ্মান চ্যান্সেলৰে যুদ্ধ ঘোষণা কৰে। এই তিক্ত সংগ্ৰামৰ মাজেৰে
হিটলাৰৰ প্ৰেমিকজনে আৱিষ্কাৰ কৰিছিল যে তেওঁৰ প্ৰিয় দেশ জাৰ্মানী আৰু মাতৃভূমি
ব্ৰিটেইন ইজনে সিজনৰ লগত যুদ্ধত লিপ্ত হৈছে। তেওঁ হতাশ হৈ পৰিল। এই আঘাত সহ্য কৰিব
নোৱাৰি ইউনিটিয়ে নিজৰ মূৰত গুলীয়াই যদিও আত্মহত্যাৰ চেষ্টা ব্যৰ্থ হয়। মুৰৰ বাওঁ
ফালে গুলীৰ ফলত ভয়ংকৰভাৱে আঘাতপ্ৰাপ্ত হয়। সেই পৰিস্থিতিত মিটফোৰ্ড ব্ৰিটেইনলৈ
উভতি যায়। ১৯৪৮ চনত ৩৩ বছৰ বয়সত তেওঁৰ মৃত্যু হয়।
ইমান বছৰৰ পাছত এই হেৰাই
যোৱা ডায়েৰীখন ওলোৱাত বিষয়টোক লৈ চর্চা তুঙ্গত উঠিছে। এই ডায়েৰীয়ে হিটলাৰৰ এটা অজ্ঞাত দিশ উন্মোচন
কৰিব বুলি বিশ্বাস কৰা হয়। ইয়াৰ লগতে এই ডায়েৰীখন আচলতে সঁচা নেকি বুলিও প্ৰশ্ন
উত্থাপন হৈছে। অৱশ্যে চিয়াহী আৰু ইউনিটিৰ হাতৰ আখৰ ভালদৰে চোৱাৰ পিছত এই ডায়েৰীখন
ভুৱা নহয়, সম্পূৰ্ণ
মৌলিক বুলি গৱেষকসকলে নিশ্চিত হৈছে ।
২০২৪ চনত বিশ্বৰ কাৰাগাৰত বন্দী হৈ আছে ৩৬১ জন সাংবাদিক
উৱেভ ডেস্ক, ১৯ জানুৱাৰীঃ ২০২৪ চনৰ ১ ডিচেম্বৰলৈকে বিশ্বজুৰি ৩৬১ জন সাংবাদিক
কাৰাগাৰত বন্দী হৈ আছে। ইয়াৰে অধিকাংশই চীনত বন্দী হৈ আছে। চীনতেই আটক হৈ আছে
৫০জন সাংবাদিক। যোৱা বছৰ বাংলাদেশত কাৰাবন্দী হৈছিল ৪ জন সাংবাদিক। চিপিজেৰ খবৰ।
এই তথ্য আমেৰিকা যুক্তৰাষ্ট্ৰৰ অলাভজনক প্রতিষ্ঠান কমিটি টু প্ৰটেক্ট জাৰ্নেলিষ্টছ (চিপিজে)ৰ
২০২৪ চনৰ কাৰাগাৰ লোকপিয়লৰ প্ৰতিবেদনত প্ৰকাশ পাইছে। শুকুৰবাৰে চিপিজে নিজৰ
ৱেবছাইটত প্ৰকাশ কৰে এই প্ৰতিবেদন।
চিপিজেৰ প্ৰতিবেদন অনুসৰি ২০২৪ চনৰ ১
ডিচেম্বৰলৈকে সমগ্ৰ বছৰটোত সাংবাদিকক কাৰাগাৰত বন্দী কৰি ৰখাৰ ক্ষেত্ৰত চীন, ইজৰাইল
আৰু ম্যানমাৰ হৈছে বিশ্ব অভিলেখ সৃষ্টি কৰা তিনিখন দেশ
তথ্য অনুসৰি চীনত এবছৰত ৫০ জন সাংবাদিক কাৰাগাৰত বন্দী
হৈ আছে। ইয়াৰ পিছত ইজৰাইল। দেশ খনত আৱদ্ধ হৈ আছে ৪৩জন লোক। ইজৰাইলত আটক কৰা সকলো
পেলেষ্টাইনী সাংবাদিক।
৩৫ জন সাংবাদিক কাৰাগাৰত বন্দী কৰি এই তালিকাত তৃতীয়
স্থানত আছে ম্যানমাৰ। ৩১ জন লোকক আটক কৰি চতুৰ্থ স্থানত আছে বেলাৰুছ আৰু ভ্লাদিমিৰ
পুটিনৰ দেশ ৰাছিয়াই ৩০ জন সাংবাদিক বন্দী কৰি পঞ্চম স্থানত আছে।
ইজিপ্ত ১৭ জন কাৰাগাৰত বন্দী কৰি ষষ্ঠ, ইৰিত্ৰিয়া
১৬জন কাৰাগাৰত বন্দী কৰি সপ্তম, ইৰাণ ১৬জন কাৰাগাৰত বন্দী
কৰি অষ্টম, ১৬জন কাৰাগাৰত বন্দী কৰি ভিয়েটনাম নৱম আৰু আজাৰবাইজানে ১৩ জন কাৰাগাৰত
বন্দী কৰি এই তালিকাত দশম
স্থানত আছে। ১৪ নম্বৰ স্থানত আছে বাংলাদেশ। বাংলাদেশত যোৱা বছৰ কাৰাবন্দী
হৈছিল চাৰিজন সাংবাদিক। এই আটাইকেইজনেই পদচ্যুত প্ৰাক্তন প্ৰধানমন্ত্ৰী শ্বেখ
হাছিনাৰ ঘনিষ্ঠ বুলি ধাৰণা কৰা হৈছে।
চিপিজেৰ তালিকাত তিনিজন সাংবাদিক জেলত কাৰাবন্দী কৰি এই
তালিকাৰ ১৫ নম্বৰ স্থানত আছে ভাৰত। দেশত কাৰাবন্দী হৈ থকা তিনিজনৰ ভিতৰত দুজনক
২০২৩ চনত কাশ্মীৰৰ পৰা গ্ৰেপ্তাৰ কৰা
হৈছিল। ইয়াৰ উপৰিও যোৱা বছৰ আফগানিস্তানত দুজন সাংবাদিক কাৰাগাৰত বন্দী হৈছিল।
২০২৪ চনত গ্ৰেপ্তাৰ হোৱা
সাংবাদিকসকলৰ ভিতৰত এজনক মৃত্যুদণ্ড আৰু ১০জনক যাৱজ্জীৱন কাৰাদণ্ড দিয়া বুলিও
চিপিজে প্ৰকাশ কৰিছে। ইয়াৰ উপৰিও ৫৪
গৰাকী সাংবাদিকক ১০ বছৰতকৈ অধিক কাৰাদণ্ডৰ শাস্তি প্ৰদান কৰা হৈছে।
.jfif)
বিদায়ী ভাষণ
ট্ৰাম্পৰ অধীনত ‘বিপজ্জনক’ অলিগার্ক সম্পর্কে আমেৰিকা বাসীক সকীয়াই
দিললে বাইডেনে
আন্তঃৰাষ্ট্ৰীয় ডেস্ক, ১৬ জানুৱাৰী : বিদায়ী
ভাষণত আমেৰিকাৰ ৰাষ্ট্ৰপতি জো বাইডেনে আমেৰিকা বাসীক সকীয়াই দিয়ে। তেওঁ ড’নাল্ড
ট্ৰাম্পৰ অধীনত আমেৰিকাত “বিপজ্জনক”অলিগার্ক
(অভিজাত গোট) গঢ়ি তোলাৰ বিৰুদ্ধে
আমেৰিকানসকলক সজাগ হ’বলৈ আহ্বান জনায়। কাৰণ তেওঁলোকে দেশৰ
গণতন্ত্ৰ আৰু প্ৰগতিত বাধাৰ সৃষ্টি কৰে বাইডেনৰ মতে। ২০ জানুৱাৰীত হোৱাইট হাউছ এৰি
যোৱাৰ পূৰ্বে বুধবাৰে দেশবাসীক বিদায়ী ভাষণত এই মন্তব্য কৰে আমেৰিকাৰ
ৰাষ্ট্ৰপতিগৰাকীয়ে। তেওঁৰ বিদায়ৰ পিছত আনুষ্ঠানিকভাৱে দায়িত্ব ল’ব নৱনিৰ্বাচিত ৰাষ্ট্ৰপতি ড’নাল্ড ট্ৰাম্পে। ইয়াৰ
পূৰ্বে ২০২০ চনত ট্ৰাম্পক পৰাস্ত কৰি বাইডেন আমেৰিকাৰ ৰাষ্ট্ৰপতি হৈছিল। অনলাইন
ইণ্ডিয়া টুডেৰ খবৰ।
বিদায়ী ভাষণত আমেৰিকাৰ ৰাষ্ট্ৰপতি জো
বাইডেনে আমেৰিকানসকলক সকীয়াই দিয়ে। তেওঁ ড’নাল্ড ট্ৰাম্পৰ
অধীনত আমেৰিকাত “বিপজ্জনক” অলিগাৰ্চি
(অভিজাত গোট) গঢ়ি তোলাৰ বিৰুদ্ধে আমেৰিকানসকলক সজাগ হ’বলৈ
আহ্বান জনায়। কাৰণ তেওঁলোকে দেশৰ গণতন্ত্ৰ আৰু প্ৰগতিত বাধাৰ সৃষ্টি কৰে বুলি
বাইডেনৰ মতে। ২০ জানুৱাৰীত হোৱাইট হাউছ এৰি যোৱাৰ পূৰ্বে বুধবাৰে দেশবাসীক বিদায়ী
ভাষণত এই মন্তব্য কৰে আমেৰিকাৰ ৰাষ্ট্ৰপতিগৰাকীয়ে। তেওঁৰ বিদায়ৰ পিছত
আনুষ্ঠানিকভাৱে দায়িত্ব ল’ব নৱনিৰ্বাচিত ৰাষ্ট্ৰপতি ড’নাল্ড ট্ৰাম্পে। ইয়াৰ পূৰ্বে ২০২০ চনত ট্ৰাম্পক পৰাস্ত কৰি বাইডেন
আমেৰিকাৰ ৰাষ্ট্ৰপতি হৈছিল। অনলাইন ইণ্ডিয়া টুডেৰ এই খবৰ।
বুধবাৰে নিশা স্থানীয় সময় অনুসৰি অ’ভাল অফিচৰ পৰা বাইডেনে আমেৰিকানসকলক বিদায়ী ভাষণ দিয়ে। অভাল অফিচৰ পৰা
তেওঁ পঞ্চমবাৰৰ বাবে ভাষণ দিয়ে । ইয়াৰ পূৰ্বে ২০২৪ চনৰ জুলাই মাহত আমেৰিকাৰ
বিদায়ী ৰাষ্ট্ৰপতিগৰাকীয়ে ভাষণ দিছিল। এয়া হয়তো ৰাষ্ট্ৰপতি হিচাপে বাইডেনৰ
জীৱনৰ শেষ ভাষণ। আৰু এই ভাষণত তেওঁ আমেৰিকানসকলক সকীয়াই দিয়ে।
জাতিৰ আগত দিয়া ভাষণত ৮২ বছৰীয়া বাইডেনে
কয় যে আজি আমেৰিকাত চৰম ধন, ক্ষমতা আৰু প্ৰভাৱৰ এক
অলিগাৰ্চি গঢ় লৈ উঠিছে যিয়ে আমাৰ সমগ্ৰ গণতন্ত্ৰ, মৌলিক
অধিকাৰ আৰু স্বাধীনতাৰ প্ৰতি ভাবুকি কঢ়িয়াই আনিছে।
আজি আমেৰিকাত চৰম ধন,
ক্ষমতা আৰু প্ৰভাৱৰ এক অলিগাৰ্চিয়ে গঢ় লৈ উঠিছে যিয়ে সঁচাকৈয়ে
আমাৰ সমগ্ৰ গণতন্ত্ৰ, আমাৰ মৌলিক অধিকাৰ আৰু স্বাধীনতাৰ
প্ৰতি ভাবুকি কঢ়িয়াই আনিছে, আৰু সকলোৱে আগবাঢ়ি যোৱাৰ এক
উচিত সুযোগ।
বাইডেনে লগতে কয় যে আমেৰিকাৰ মৌলিক
ধাৰণাটো হ’ল সকলোৰে ন্যায্য সুযোগ পোৱাৰ অধিকাৰ।
কঠোৰ পৰিশ্ৰম আৰু প্ৰতিভাই এতিয়ালৈকে এজনকহে লৈ যাব পাৰে। এই অত্যাৱশ্যকীয় সত্যৰ
পৰা আমি কেতিয়াও বিচ্যুতি ঘটাব নোৱাৰো।
১৯৬১ চনত হোৱাইট হাউছ এৰি যোৱাৰ সময়ত
প্ৰাক্তন ৰাষ্ট্ৰপতি ড্ৱাইট আইজেনহাৱাৰে সামৰিক-ঔদ্যোগিক কমপ্লেক্সৰ বিষয়ে দিয়া
সতৰ্কবাণীৰ কথা উল্লেখ কৰি বাইডেনে কয় যে টেক-ইণ্ডাষ্ট্ৰিয়েল কমপ্লেক্সৰ
সম্ভাৱ্য উত্থানৰ বিষয়েও মই সমানেই চিন্তিত। কাৰণ ই আচলতে আমাৰ দেশলৈ বিপদ
কঢ়িয়াই আনিব পাৰে।
বাইডেনে মন্তব্য কৰে যে আমেৰিকাৰ
জনসাধাৰণক ভুৱা তথ্য আৰু বিভ্ৰান্তিকৰ তথ্যৰ অধীনত সমাধিস্থ কৰা হৈছে। তেওঁ কয় যে
আমেৰিকানসকলক ভুল তথ্য আৰু ভুল তথ্যৰ হিমস্খলনৰ তলত পুতি থোৱা হৈছে,
যিয়ে ক্ষমতাৰ অপব্যৱহাৰক ন্যায্যতা প্ৰদান কৰে। ইয়াৰ জৰিয়তে
সংবাদ মাধ্যমে স্বাধীনতা হেৰুৱাইছে বুলিও তেওঁ অভিযোগ কৰে। বাইডেনে কয় যে ক্ষমতা
লাভৰ বাবে কোৱা মিছা কথাৰে সত্যক ঢাকি ৰখা হৈছে। ক্ষমতাৰ অপব্যৱহাৰৰ পৰা শিশু,
পৰিয়াল আৰু গণতন্ত্ৰক ৰক্ষা কৰিবলৈ সামাজিক মঞ্চসমূহক জবাবদিহি
কৰিবলৈ আহ্বান জনায়।
হোয়াইট হাউছত থকাৰ সময়তো আমেৰিকাৰ
ৰাষ্ট্ৰপতিসকলক যাতে শাস্তিৰ আওতালৈ অনা হয় তাৰ বাবে সাংবিধানিক সংশোধনৰ আহ্বান
জনাইছে বাইডেনে।
তেওঁ কয়, আমি
আমাৰ সংবিধান সংশোধন কৰিব লাগিব। যেন স্পষ্টকৈ ক’ব বিচাৰিছে
যে দেশৰ কোনো ৰাষ্ট্ৰপতি কাৰ্যভাৰ গ্ৰহণ কৰি থকা সময়ত সংঘটিত অপৰাধৰ শাস্তিৰ পৰা
মুক্ত নহয়। ৰাষ্ট্ৰপতিৰ ক্ষমতা সীমাহীন নহয়। আমেৰিকাৰ বিদায়ী
ৰাষ্ট্ৰপতিগৰাকীয়ে তেওঁৰ ভাষণত উল্লেখ কৰে যে তেওঁ নিৰঙ্কুশ নহয় আৰু হ’বও নালাগে।
