১২ টা শিশুসহ ১৭ জন লোকৰ ৰহস্যজনক মৃত্যু, তদন্ত কৰিবলৈ বিশেষ দল

 

  ১২ টা শিশুসহ ১৭ জন লোকৰ ৰহস্যজনক মৃত্যু, তদন্ত কৰিবলৈ বিশেষ দল

নেচনেল ডেস্ক,২৩ জানুৱাৰীঃ জম্মু-কাশ্মীৰত ৰহস্যজনকভাবে ১৭ জন লোকৰ মৃত্যুৰ তদন্ত অব্যাহত আছে, যাৰ ভিতৰত অধিকাংশ শিশু । বৃহস্পতিবাৰে বিবিচিয়ে এক প্ৰতিবেদনত এই তথ্য প্ৰকাশ।

খবৰ অনুসৰি জম্মুৰ ৰাজৌৰী জিলাৰ বাদল গাঁৱত যোৱা ৭ ডিচেম্বৰৰ পৰা ১২টা শিশুসহ কমেও ১৭ জন লোকৰ মৃত্যু হৈছে। যদিও প্ৰথমে তেওঁলোকৰ মাজত খাদ্য বিষক্ৰিয়াৰ লক্ষণ দেখা গৈছিল, তথাপিও হঠাতে তেওঁলোক অচেতন হৈ পৰিছিল বুলি স্বাস্থ্য বিষয়াসকলে জানিবলৈ দিয়ে। গাঁওখনক ‘কণ্টেইনমেণ্ট জ’ন’ বা নিয়ন্ত্ৰিত এলেকা হিচাপে ঘোষণা কৰা হৈছে। কিন্তু বিষয়াসকলৰ মতে ই কোনো সংক্ৰামক ৰোগ নহয় আৰু মহামাৰীৰ আশংকাও নাই।

স্থানীয় এখন চিকিৎসালয়ৰ মুৰব্বী। এ এছ ভাটিয়াই কয় যে প্ৰথমে ভৰ্তি হোৱা চাৰিটা শিশুকে ধৰি পাঁচজন ৰোগীৰ বমি, ডায়েৰিয়া, ডিঙিৰ বিষ আৰু উশাহ লোৱাত কষ্ট পোৱাৰ দৰে লক্ষণ দেখা গৈছিল। কিন্তু সকলো হঠাতে অজ্ঞান হৈ পৰিল।

কেন্দ্ৰীয় চৰকাৰে এই ঘটনাৰ তদন্তৰ নিৰ্দেশ দিছে। এই পৰ্যন্ত আৰক্ষী বিষয়া, পেথ’লজিষ্ট আৰু অন্যান্য বিশেষজ্ঞৰে গঠিত এটা বিশেষ তদন্তকাৰী দল গঠন কৰা হৈছে আৰু বহু লোকক জেৰা কৰা হৈছে।

প্ৰাথমিক অনুসন্ধানৰ পৰা দেখা গৈছে যে এই মৃত্যুৰ কাৰণ হ’ব পাৰে দূষিত খাদ্য আৰু পানীয় সেৱনৰ বাবে। ইয়াৰ উপৰিও স্থানীয় এটা জুৰীৰ পানীত কীটনাশক দ্ৰব্যৰ উপস্থিতি পোৱা গৈছে বাবে বাসিন্দাসকল তাৰ পানী খোৱাত বাধা আৰোপ কৰা হৈছে।

যোৱা ৭ ডিচেম্বৰৰ পৰা ১৯ জানুৱাৰীৰ ভিতৰত মৃত্যু হোৱা লোক কেইজন তিনি পৰিয়াল আৰু আত্মীয়ৰ সদস্য। লগতে মৃত্যু হোৱা শিশুসকলৰ ভিতৰত ছয়জন ভাই-ভনীৰ বয়স ৭ৰ পৰা ১৫ বছৰৰ ভিতৰত। তেওঁলোকৰ ঘৰবোৰ ছীল কৰা হৈছে।

বিবিচিৰ তথ্য অনুসৰি যদিও চিকিৎসকে সংক্ৰমণৰ সম্ভাৱনা নুই কৰিছে, তথাপিও প্ৰশাসনিক নিৰ্দেশৰ অধীনত মৃতকৰ ঘনিষ্ঠ সংস্পৰ্শলৈ অহা লোকসকলক ৰাজৌৰী চৰকাৰী চিকিৎসালয়ত নিৰীক্ষণত ৰখা হৈছে। বাদল গাঁৱৰ বাসিন্দাসকলক প্ৰশাসনে প্ৰদান কৰা খাদ্য-পানীয় গ্ৰহণ কৰিবলৈ নিৰ্দেশ দিয়া হৈছে।

ইয়াৰ উপৰিও নিৰ্দেশনাত কোৱা হৈছে যে, "প্ৰশাসনে আক্ৰান্ত পৰিয়ালটোৰ সকলো খাব পৰা সামগ্ৰী জব্দ কৰিব।"এই পৰ্যন্ত জম্মু আৰু চণ্ডীগড়ৰ ৰাজৌৰীত ১০ জন লোকক চিকিৎসালয়ত ভৰ্তি কৰা হৈছে। ৰাজৌৰী চৰকাৰী চিকিৎসা মহাবিদ্যালয়ৰ মহামাৰী বিজ্ঞানী ড. শ্বুজা কাদ্ৰীয়ে কয় যে এই ৰোগ স্থানীয় আৰু ভাইৰাছ, বেক্টেৰিয়া, প্ৰ’ট’জ’য়া আৰু জীৱ-জন্তুৰ সংক্ৰমণৰ সম্ভাৱনা নুই কৰিছে।

ইফালে, যোৱা ১২ ডিচেম্বৰত দ্বিতীয় পৰ্যায়ত চিকিৎসালয়ত ভৰ্তি হোৱা ৰোগীসকলৰ ভিতৰত এটি এবছৰীয়া শিশুসহ ৫জন ৰোগী সুস্থ হৈ উঠিছে। ডাঃ ড. ভাটিয়াই কয় যে এয়া আমাৰ বাবে আশাৰ কিৰণ।

আগলৈ প্ৰেৰণ কৰক