ৰাজনীতিৰ পাশা খেলৰ মাজলৈ কোনো নিৰপৰাধী নাৰীক টানি অনা নানিব: ৰীতা চৌধুৰী

 ৰাজনীতিৰ পাশা খেলৰ মাজলৈ কোনো নিৰপৰাধী নাৰীক টানি অনা নানিব: ৰীতা চৌধুৰী

বি. চি ডেস্ক, ২মাৰ্চঃ অসমৰ ৰাজনৈতিক ক্ষেত্রখনত শেহতীয়াকৈ ৰাজনৈতিক নেতাসকলে পৰস্পৰে পৰস্পৰৰ পত্নীসকল বিশেষভাৱে লক্ষ কৰি লোৱা পৰিলক্ষিত হৈছে। বিশেষকৈ ৰাজনৈতিক নেতাৰ পত্নীক কটাক্ষ আৰু সমালোচনা কৰাৰ এটা নতুন ট্ৰেণ্ড আৰম্ভ হৈছে। অৱশ্যে এই ট্ৰেণ্ড একেবাৰে নতুন নহয়, কিন্তু বৰ্তমান ইয়াৰ প্ৰভাৱ বেছিকৈ পৰিলক্ষিত হৈছে। বিভিন্ন প্ৰসংগত নেতা পত্নীক ৰাজনৈতিক ক্ষেত্রখনলৈ টানি অনা দেখা যায়। শেহতীয়াকৈ মুখ্যমন্ত্রী হিমন্ত বিশ্ব শৰ্মা আৰু বিধায়ক অখিল গগৈৰ মাজত এনে এক বিতৰ্ক বিশেষভাৱে চৰ্চিত হৈ আহিছে। এই ধৰণৰ ঘটনা আগতে অতি দুৰ্লভ আছিল যদিও বৰ্তমান এইটো এক ধাৰাত পৰিণত হৈ পৰিছে। ৰাজ্যৰ এই চৰ্চিত বিষয়টোৰ মাজতে ৰাজ্যখনৰ এগৰাকী বিশিষ্ট সাহিত্যিক ৰীতা চৌধুৰীয়ে ব্যক্ত কৰিছে প্ৰতিক্ৰিয়া । অৱশ্যে ৰীতা চৌধুৰীয়ে এসময়ৰ তেওঁৰ ছাত্র আৰু বৰ্তমানৰ শিৱসাগৰৰ বিধায়ক অখিল গগৈক লক্ষ্য কৰি প্ৰতিক্ৰিয়া ব্যক্ত কৰিছে ।

ৰাজ্যৰ এই চৰ্চিত বিষয়ৰ মাজতে ৰাজ্যখনৰ এগৰাকী বিশিষ্ট সাহিত্যিক ৰীতা চৌধুৰীয়ে ব্যক্ত কৰিছে প্ৰতিক্ৰিয়া । অৱশ্যে ৰীতা চৌধুৰীয়ে এসময়ৰ তেওঁৰ ছাত্র আৰু বৰ্তমানৰ শিৱসাগৰৰ বিধায়ক অখিল গগৈক লক্ষ্য কৰি প্ৰতিক্ৰিয়া ব্যক্ত কৰিছে । লগতে এনে প্ৰবণতা বন্ধ কৰিবলৈ আহ্বান জনাইছে।

সামাজিক মাধ্যমত অখিল গগৈলৈ লিখা পত্রখনত ৰীতা চৌধুৰীয়ে কয়, "বিশেষ দুটামান কামত অত্যন্ত ব্যস্ত হৈ থকা বাবে তোমাক ক’ব খোজা কথাখিনি ক’বলৈ অলপ সময় লাগিল ৷ কোৱা হয় এজন শিক্ষকৰ বাবে এজন ছাত্ৰ সদায়েই এজন ছাত্ৰ হৈয়েই থাকে ৷ তুমি ছাত্ৰ হৈ থকা কালত এজন বহুত পঢ়াশুনা কৰা আৰু বহুত কথা জনা, সমাজ সচেতন, সৎ আৰু শক্তিশালী ছাত্ৰ হিচাপে তোমাৰ বাবে মই এজন শিক্ষক হিচাপে গৰ্ব অনুভৱ কৰিছিলোঁ ৷ তুমি ছাত্ৰ হৈ থকা কালত এজন বহুত পঢ়াশুনা কৰা আৰু বহুত কথা জনা, সমাজ সচেতন, সৎ আৰু শক্তিশালী ছাত্ৰ হিচাপে তোমাৰ বাবে মই এজন শিক্ষক হিচাপে গৰ্ব অনুভৱ কৰিছিলোঁ ৷ কিন্তু বৰ্তমান তোমাৰ কিছুমান কাৰ্যকলাপ দেখি হতবাক হৈছোঁ।"

তেওঁ আৰু কয়, "মোক যেতিয়া ব্ৰহ্মপুত্ৰ উপত্যকা বঁটাটো মন্ত্ৰী স্বামীৰ সহায়ত লাভ কৰিছিলোঁ বুলি টিভি, বাতৰি কাকত আৰু সামাজিক মাধ্যমত একাংশই অশালীন আৰু নিৰ্মম সমালোচনাৰে থকা সৰকা কৰিছিল সেই কথাবোৰে মোক যিমান কষ্ট দিছিল তাতোকৈ বহুত বেছি কষ্ট দিছিল মোৰ দুজন ছাত্ৰৰ মন্তব্যই ৷ এজন তুমি আৰু আনজন কমল কুমাৰ মেধি ৷ মই হতবাক হৈ গৈছিলোঁ টিভিত দিয়া তোমাৰ মন্তব্য শুনি ‘ৰীতা বাইদেৱে লাজ পাব লাগিছিল’ ৷"

বিশিষ্ট সাহিত্যিকগৰাকীয়ে লগতে কয়, "মেনেজ কৰি বঁটা লোৱা নাছিলোঁ বাবেই মন্ত্ৰী পত্নী হোৱাৰ সুযোগ লৈ সদায়েই মোক আক্ৰমণ কৰি অহা আৰু চিনাকি হৈ পৰা মানুহবোৰক প্ৰত্যাহ্বান জনাই আৰু অৱহেলাৰে উপেক্ষা কৰি মই কৈছিলোঁ— ‘কোনো অপৰাধ নকৰাকৈ এই বঁটা মই ঘূৰাই নিদিও ৷’

ৰাজনীতিকৰ পত্নী হ’লেও স্বতন্ত্ৰভাৱে জীয়াই থাকিব খোজা এগৰাকী নাৰীয়ে বিনা দোষত, অকাৰণত কিমান অপমান পাবলগীয়া হয় সেইদিনা তুমি ভবা নাছিলা, অনুভৱো কৰা নাছিলা আৰু মোৰ কাষত থিয়ও হোৱা নাছিলা ৷ থিয় হৈছিল মোৰ কিতাপ পঢ়া আৰু মোক বিশ্বাস কৰা অগণিত মানুহে ৷ এবছৰ আগৰ গ্ৰন্থমেলাত প্ৰথম লগ পাওঁতে তোমাক সোধা মোৰ একমাত্ৰ প্ৰশ্নটো আছিল— ‘তুমি বাৰু সঁচাই বিশ্বাস কৰানে মই এনে কাম কৰিব পাৰোঁ বুলি ?’"

তেওঁ আৰু কয়, "তুমি মোৰ হাতত ধৰিছিলা আৰু কি কৈছিলা সেইবোৰ এতিয়া থাকক ৷ মই কিন্তু সিদিনাও ৰাজনীতি বিজ্ঞানৰ শিক্ষক হিচাপে বিধানসভাত বিধায়ক হিচাপে তোমাৰ ভূমিকালৈ আঙুলিয়াই দি বিধানসভাৰ নিয়ম নীতি জানিবলৈ পঢ়িবলগীয়া গুৰুত্বপূৰ্ণ কিতাপখন আমাজনত বিচাৰি দেখুৱাই দিছিলোঁ ৷ আজি এজন ৰাজনীতিকৰ পত্নী হিচাপে স্বতন্ত্ৰভাৱে জীয়াই থাকিব খোজা মানুহে আৰু ময়ো বিদূষী বুলি জনা গীতাশ্ৰী তামুলীয়েও তোমাৰ পত্নী কাৰণে যেতিয়া ৰাজহুৱা আক্ৰমণৰ সন্মুখীন হৈছে তেতিয়া তুমি চিঞৰি চিঞৰি প্ৰতিবাদ কৰিছা আৰু কৈছা তোমাৰ কাৰণে এই দূৰ্ভাগ্যজনক ঘটনাৰ মুখামুখী হ’ব লগা হৈছে বুলি তোমাক তেওঁ গালি পাৰিছে ৷ তেওঁৰ মানসিক কষ্টৰ কথা মই অনুভৱ কৰিব পাৰোঁ আৰু অন্তৰেৰে বিচাৰোঁ ৰাজনীতিৰ পাশা খেললৈ কোনো নিৰপৰাধী নাৰীক টানি অনা নহওক ৷"

তেওঁ লগতে কয়, "আজি তুমি victim perspective ৰ পৰা কথাবোৰ চাইছা, ভাবিছা আৰু কৈছা ৷ সঠিক কামেই কৰিছা ৷ গীতাশ্ৰী তামুলীয়ে আমাক আক্ৰমণ কৰাৰ সময়ত তোমাক সমালোচনা কৰিছিলনে নাই এইটোও এটা ডাঙৰ প্ৰশ্ন ৷ তুমি জানো নাজানা পঞ্চ সতীৰ ভিতৰত ৰাৱণৰ পত্নী মন্দোদৰীও যে আছে ? হকে বিহকে আন ৰাজনীতিকৰ পত্নীক আক্ৰমণ কৰাৰ সময়ত তোমাৰ এই victim perspective মনলৈ নাহে কিয় ?"

তোমাৰ সকলো কামেই এনেধৰণৰেই selective নেকি মৰমৰ অখিল ? ৰাজনীতিত তুমি এজন সফল নায়ক হোৱা আৰু পৰিয়ালৰে সৈতে কুশলে থাকা ৷ শিক্ষক হিচাপে আশীৰ্বাদ সদায়েই আছিল আৰু থাকিব ৷ ৰীতা চৌধুৰী ৷"

এই ঘটনাৰ প্ৰতি সমাজৰ বিভিন্ন শ্ৰেণীৰ ব্যক্তিয়ে নিজৰ মতামত ব্যক্ত কৰিছে। কিছুমানে ৰীতা চৌধুৰীৰ মন্তব্যক সমৰ্থন জনাইছে, আনহাতে কিছুমানে তেওঁক সমালোচনা কৰিছে। ৰাজনীতিত ব্যক্তিগত জীৱন আক্ৰমণ কৰাৰ এই প্ৰৱণতা কেতিয়ালৈ চলি থাকিব তাক লৈ সমাজত বিস্তৰ আলোচনা চলি আছে।

আগলৈ প্ৰেৰণ কৰক