অৱসৰ ৰোধ কৰিবলৈ সংঘত নতজানু মোডীয়ে, বিকশিত ভাৰত প্ৰধানমন্ত্ৰীৰ নহয়, কিন্তু আৰ এছ এছৰ ফর্মুলা

 অৱসৰ ৰোধ কৰিবলৈ সংঘত নতজানু মোডীয়ে, বিকশিত ভাৰত প্ৰধানমন্ত্ৰীৰ নহয়, কিন্তু আৰ এছ এছৰ ফর্মুলা

নেচনেল ডেস্ক, ২৯মাৰ্চঃ ২০১৪ চনত প্ৰধানমন্ত্ৰী হোৱাৰ পিছত মোডীৰ এই প্ৰথম নাগপুৰ ভ্ৰমণ। সংঘৰ মুখ্য কাৰ্যালয়ত। আৰু উপস্থিত হৈয়ে নৰেন্দ্ৰ মোদীয়ে নিজৰ পৰম্পৰাগত আত্মপ্ৰচাৰৰ পথ পৰিত্যাগ কৰি আৰ এছ এছক শ্ৰদ্ধাঞ্জলি জনায়। 

তেওঁ কয়, "আজিৰ ভাৰত সংঘৰ সাধনাৰ ফল।" ভৱিষ্যতৰ ভাৰততো হ’ব সংঘৰ তপস্যাৰ ফল । আৰ এছ এছৰ সপোন বাস্তৱায়িত কৰিব বিকশিত ভাৰতে । নতুন ভাৰতৰ সপোনৰ কাৰিগৰ  হৈছে ড° চাবাৰকাৰ আৰু গুৰুজী (ড° কেশৱ বলিৰাম হেডগেৱাৰ আৰু মাধৱ সদাশিৱৰাও গোলৱালকাৰ)। অৰ্থাৎ বিকশিত ভাৰত এতিয়া মোডীৰ নহয়। এই সকলো সংঘৰ উৎস। সংঘৰ পৰা এটি উপহাৰ। 

কিন্তু কিয় হঠাতে আৰ এছ এছৰ আগত এনেকৈ প্ৰণাম কৰিছে? যোৱা ১১ বছৰত আমি এনেকুৱা দৃশ্য দেখা নাই । ৰাম মন্দিৰ উদ্বোধনৰ সময়ত সৰসংগ নেতা মোহন ভাগৱতে তেওঁৰ কাষত থিয় দিলেও মোডী আছিল সৰ্বোচ্চ। গতিকে, ‘অৱসৰ’ৰ সন্মুখত তেওঁ চকী সুৰক্ষিত কৰিবলৈ সংঘৰ ওপৰত নিৰ্ভৰ কৰিব লাগীয়া হৈছে নেকি সৰ্বশক্তমানে?

পৰৱৰ্তী লোকসভা নিৰ্বাচন ২০২৯ চনত।কিন্তু অহা ছেপ্টেম্বৰ মাহত তেওঁৰ বয়স হ’ব ৭৫ বছৰ। অর্থাৎ অর্থাৎ, ৭৫’ত অৱসৰৰ যি নিয়ম তেওঁ আৰু তেওঁৰ দল তথা চৰকাৰে আৰম্ভৱ কৰিছে, এতিয়া নিজে খন্দা খালতে পৰিব ওলাইছে মোডী নিজেই ! এনে পৰিস্থিতিত সংঘৰ আপত্তিয়ে তেওঁৰ চিত্ৰনাট্যৰ ক্লাইমেক্স হ’ব পাৰে। গতিকে, দেওবাৰে নাগপুৰত দেখা গ’ল বেলেগ এজন নৰেন্দ্ৰ মোডীক। উল্লেখযোগ্য যে অটল বিহাৰী বাজপেয়ীয়েও ২০০০ চনত, প্ৰধানমন্ত্ৰী কাৰ্যকালৰ অন্তিম ইনিংছত নাগপুৰৰ সংঘৰ মুখ্য কাৰ্যালয়লৈ গৈছিল। গতিকে ই কাকতলীয়া কথা নেকি, নে বেলেগ দৃষ্টিভংগী? ইয়াকে লৈ ৰানৈতিক মহলত চলিছে চর্চা ।

নৰেন্দ্ৰ মোদীয়ে ভাগৱতক বুজাই দিলে যে তেওঁৰ কাৰ্যকালত দেশে যিমানখিনি অগ্ৰগতি লাভ কৰিছে সেয়া আৰ এছ এছৰ ভাল শিক্ষাৰ ফল। আয়ুষ্মান ভাৰতৰ পৰা পূর্ণকুম্ভ- সংঘৰ একমাত্ৰ কৃতিত্ব। প্ৰধানমন্ত্ৰীয়ে নিৰ্দ্বিধায় ভাষাৰে ঘোষণা কৰিছে যে ‘আৰ এছ এছ আচলতে বটবৃক্ষ’। দেওবাৰে নাগপুৰৰ মাধৱ নেত্ৰালয়া প্ৰিমিয়াম চেণ্টাৰৰ আধাৰশিলা স্থাপন অনুষ্ঠানটো মাথোঁ এটা অনুষ্ঠান আছিল। দলীয় সূত্ৰ অনুসৰি ইয়াৰ দুটা এজেণ্ডা আছিল। মোডীৰ ‘অৱসৰ’ আৰু বিজেপিৰ সৰ্বভাৰতীয় সভাপতিৰ নাম চূড়ান্ত কৰা। ‘অৱসৰ’ কিমানখিনি ৰোধ কৰিব পৰা যায় সেই সন্দৰ্ভত জল্পনা-কল্পনা চলি থকাৰ সময়তে দেওবাৰে ভাগৱত-মোডীৰ বৈঠকৰ পিছত এটা কথা স্পষ্ট হৈছে- জে পি নড্ডাৰ উত্তৰাধিকাৰী সন্দৰ্ভত মোডীয়ে স্পষ্ট নিৰ্দেশনা লাভ কৰিছে। 

কিন্তু মন কৰিবলগীয়া যে যোৱা দুটা ইনিংছত তেওঁ মোডীৰ শাসনৰ চিনাকি আৰ্হি সলনি কৰি সংঘ পৰিবাৰ বিকাশিত ভাৰতৰ অন্যতম মূল স্থপতি বুলি ঘোষণা কৰিছে। মন কৰিব লগা যে ছেপ্টেম্বৰ মাহত আৰ এছ এছৰ শতবাৰ্ষিকী। তেওঁলোকে বিচাৰে এইবাৰ তেওঁলোকৰ এক অখণ্ড ভাৰত, একেধৰণৰ নাগৰিক সংহিতা, হিন্দু ৰাষ্ট্ৰৰ এজেণ্ডা পূৰণ হওক। সেইবাবেই জন্ম হৈছিল বিজেপিৰ ! 

গতিকে দল কেতিয়াও তেওঁলোকৰ ওপৰত যাব নোৱাৰে। মোডীয়ে শেষবাৰৰ বাবে নাগপুৰস্থিত আৰ এছ এছৰ মুখ্য কাৰ্যালয়লৈ গৈছিল ২০১৩ চনত। অৰ্থাৎ গুজৰাটৰ মুখ্যমন্ত্ৰী হৈ থকাৰ সময়ত। প্ৰায় ১২ বছৰৰ মূৰত নাগপুৰলৈ গৈছে। ইয়াৰ ফল কি হ’ব অদূৰ ভৱিষ্যতেহে ক’ব।

আগলৈ প্ৰেৰণ কৰক