মুম্বাই আক্ৰমণৰ অন্যতম মূল মাষ্টাৰমাইণ্ড টাহাউৰ ৰাণা এতিয়া ভাৰতত

নেচনেল ডেস্ক, ১০এপ্ৰিলঃ মুম্বাই আক্ৰমণৰ অন্যতম মূল মাষ্টাৰমাইণ্ড টাহাউৰ হুছেইন ৰানা বৃহস্পতিবাৰে আমেৰিকাৰ পৰা ভাৰতলৈ উভতাই আনে। দিল্লীৰ পালাম বিমানবন্দৰত অৱতৰণ কৰিছে এখন বিশেষ বিমান। পালাম বিমানবন্দৰৰ পৰা এন আই এৰ মুখ্য কাৰ্যালয়লৈ নিয়াৰ বাবে এখন বিশেষ বুলেটপ্ৰুফ বাহনৰ ব্যৱস্থা কৰা হৈছে। কৰা হৈছে বিশেষ ছোৱাট বাহিনী মোতায়েন ।

২০০৮ চনৰ মুম্বাই আক্ৰমণৰ মাষ্টাৰমাইণ্ড আৰু লস্কৰ-ই-তৈবাৰ এজন সন্ত্ৰাসবাদীক হয়তো এতিয়াৰ পৰা তিহাৰ জেলত ৰখা হ’ব। জানিব পৰা মতে, তেওঁক ৰখা হ’বলগীয়া তিহাৰ জেলৰ ৱাৰ্ডত তেওঁক চৌপাশে কটকটীয়া নিৰাপত্তাৰ ব্যৱস্থা কৰা হৈছে।

প্ৰসংগক্ৰমে তদন্ত প্ৰক্ৰিয়া বন্ধ কৰিবলৈ আৰু প্ৰমাণ ধ্বংস কৰিবলৈ ৰানাৰ দৰে মষ্ট ৱাণ্টেড সন্ত্ৰাসবাদীক নিৰ্মূল কৰাৰ প্ৰয়াস হ’ব পাৰে। আৰু বহু লোকৰ ব্যক্তিগত খঙৰ বলি হ’ব পাৰে। কিন্তু সমগ্ৰ মুম্বাই আক্ৰমণৰ ষড়যন্ত্ৰৰ ব্লুপ্ৰিণ্ট উন্মোচন আৰু আন অপৰাধীৰ বিৰুদ্ধে প্ৰমাণ সংগ্ৰহৰ বাবে ৰাণাক জীয়াই ৰখাটো অতি গুৰুত্বপূৰ্ণ। এন আই এৰ তথ্য অনুসৰি তেওঁ হৈছে মষ্ট ৱাণ্টেড সন্ত্ৰাসবাদী। বহু চেষ্টাৰ অন্তত তেওঁক দেশলৈ ঘূৰাই অনা সম্ভৱ হ’ল। সেইবাবেই তদন্ত প্ৰক্ৰিয়া আগুৱাই নিয়াৰ বাবে ৰাণাক কটকটীয়া নিৰাপত্তাৰ অধীনত ৰখা হৈছে।

সূত্ৰ অনুসৰি ৰাণাক প্ৰথমে কেইসপ্তাহমানৰ বাবে এন আই এৰ জিম্মাত ৰখা হ’ব। এই ক্ষেত্ৰত ৰাষ্ট্ৰীয় নিৰাপত্তা উপদেষ্টা অজিত ডোভাল আৰু গৃহ পৰিক্ৰমা মন্ত্ৰালয়ৰ নিৰ্দেশ অনুযায়ী সকলো ব্যৱস্থা কৰা হৈছে। ফলত কিছুদিনৰ বাবে তহাউৰ ৰানাৰ ঠিকনা হ’ব দিল্লীৰ তিহাৰ কাৰাগাৰ। ইয়াৰ পিছতে ২৬/১১ৰ মুম্বাই সন্ত্ৰাসবাদী আক্ৰমণৰ ষড়যন্ত্ৰৰ অভিযুক্ত টাহাউৰ ৰানাক বিচাৰৰ বাবে মুম্বাই আৰক্ষীৰ জিম্মালৈ প্ৰেৰণ কৰিব পাৰে এন আই এয়ে। বিশেষ সূত্ৰৰ মতে, ২৬/১১ কাণ্ডত ধৰা পৰা আৰু পিছত ফাঁচী দিয়া একমাত্ৰ জীৱিত সন্ত্ৰাসবাদী আজমল কাছাবৰ চেলটো ৰানাৰ ঠিকনা হ’বলৈ গৈ আছে।

মন কৰিবলগীয়া যে তাহাউৰ ৰানাৰ জন্ম হৈছিল পাকিস্তানত। পিছত তেওঁ কানাডাৰ নাগৰিকত্ব লাভ কৰে। ২০০৮ চনৰ মুম্বাই আক্ৰমণৰ অন্যতম মূল ষড়যন্ত্ৰকাৰী ডেভিদ কলমেন হেডলী ওৰফে ডাউড গিলানীৰ ঘনিষ্ঠ সহযোগী আছিল ৰানা। সেই সময়ত অৱশ্যে তেওঁ আমেৰিকাৰ নাগৰিক আছিল। ভাৰতলৈ প্ৰত্যাৰ্পণৰ পৰা হাত সাৰিবলৈ কৰা প্ৰচেষ্টাত ৰাণাই কোনো ভুল কৰা নাই। কিন্তু শেষত ৰক্ষা নহ’ল। আমেৰিকাৰ উচ্চতম ন্যায়ালয়ৰ ন্যায়াধীশসকলে তেওঁৰ আবেদন নাকচ কৰাৰ লগে লগে ৰানাৰ সকলো প্ৰচেষ্টা ব্যৰ্থ হয়। ইয়াৰ পিছত তেওঁক ভাৰতলৈ ঘূৰাই অনাৰ প্ৰক্ৰিয়া আৰম্ভ হয়।

আগলৈ প্ৰেৰণ কৰক