নেচনেল ডেস্ক, ১০এপ্ৰিলঃ মুম্বাই আক্ৰমণৰ অন্যতম মূল মাষ্টাৰমাইণ্ড টাহাউৰ হুছেইন ৰানা বৃহস্পতিবাৰে আমেৰিকাৰ পৰা ভাৰতলৈ উভতাই আনে। দিল্লীৰ পালাম বিমানবন্দৰত অৱতৰণ কৰিছে এখন বিশেষ বিমান। পালাম বিমানবন্দৰৰ পৰা এন আই এৰ মুখ্য কাৰ্যালয়লৈ নিয়াৰ বাবে এখন বিশেষ বুলেটপ্ৰুফ বাহনৰ ব্যৱস্থা কৰা হৈছে। কৰা হৈছে বিশেষ ছোৱাট বাহিনী মোতায়েন ।
বি. চি ডেস্ক, ১০এপ্ৰিলঃ আগন্তুক পঞ্চায়ত নিৰ্বাচনৰ প্ৰস্তুতি সুনিৰ্দিষ্ট আৰু পূৰ্ণ গতিৰে আগবঢ়াই থকা অসম প্ৰদেশ কংগ্ৰেছ কমিটিয়ে আজি বৃহস্পতিবাৰৰ ভিতৰত ৯৫ শতাংশ প্ৰাৰ্থীৰ নাম চূড়ান্ত কৰি সুনিশ্চিত কৰাৰ দিশে দৃঢ়ভাৱে আগবাঢ়িছে। এই ঘোষণা কৰে দলটোৰ সভাপতি ভূপেন বৰাই গুৱাহাটীৰ ঘোঁৰামাৰাৰ নিজ বাসভৱনত আয়োজিত এখন গুৰুত্বপূৰ্ণ সংবাদমেলত। তেওঁ স্পষ্টভাৱে উল্লেখ কৰে যে জিলা পৰিষদসমূহৰ বাবে প্ৰাৰ্থী বাচনিৰ সম্পূৰ্ণ দায়িত্ব জিলা সমিতিসমূহক অর্পণ কৰা হৈছে। এতিয়ালৈকে ৮০ শতাংশ জিলাত প্ৰাৰ্থী নিৰ্বাচন সম্পন্ন হৈছে আৰু বাকী অংশ অতি সোনকালে, আজিৰ ভিতৰতে, চূড়ান্ত কৰা হ’ব। কংগ্ৰেছৰ লক্ষ্য হৈছে শক্তিশালী আৰু জনসমৰ্থিত প্ৰাৰ্থীৰ জৰিয়তে গাঁও পৰ্য্যন্ত সংগঠনক শক্তিশালী কৰা।
বি. চি ডেস্ক, ১০এপ্ৰিলঃ উত্তৰ-পূব ভাৰতক "লেণ্ড লক" বুলি অভিহিত কৰা মন্তব্যৰ বাবে বাংলাদেশৰ অন্তর্বর্তীকালীন চৰকাৰৰ উপদেষ্টা মহম্মদ ইউনুছ এতিয়া তীব্ৰ সমালোচনাৰ সন্মুখীন হৈছে। এই মন্তব্যৰ প্ৰেক্ষাপটত দুই দেশৰ মাজত বাণিজ্যিক সম্পৰ্কত স্পষ্ট উত্তেজনা সৃষ্টি হৈছে, যাৰ ফলত একাধিক নীতিগত পদক্ষেপ গ্ৰহণ কৰা হৈছে।
বি. চি ডেস্ক, ১০এপ্ৰিলঃ দীর্ঘদিন ধৰি চলি থকা জল্পনা-কল্পনাৰ অন্তত অসম ৰাজ্যিক নিৰ্বাচন আয়োগে পঞ্চায়ত নিৰ্বাচনৰ দিন ঘোষণা কৰিছে। বহুদিনৰ অপেক্ষাৰ অন্তত এই ঘোষণা ৰাজ্যৰ গ্ৰাম্য শাসন ব্যৱস্থাত এক গুৰুত্বপূর্ণ পদক্ষেপ হিচাপে বিবেচিত হৈছে। এইবাৰ পঞ্চায়ত নিৰ্বাচন দুটা পৰ্যায়ত অনুষ্ঠিত হ'ব বুলি জানিব পৰা গৈছে। প্ৰথম পৰ্যায়ৰ ভোটগ্ৰহণ হ'ব ২ মে' ২০২৫ তাৰিখে আৰু দ্বিতীয় পৰ্যায়ৰ ভোটগ্ৰহণ হ'ব ৭ মে' ২০২৫ তাৰিখে।
বি. চি ডেস্ক, ৯এপ্ৰিলঃ চীনে তিব্বতৰ অন্তৰ্গত য়াৰলং চাংপো নদীৰ ওপৰত প্ৰস্তাৱিত "গ্ৰেট বেণ্ড বান্ধ" প্ৰকল্পক লৈ বিশ্বজুৰি বিশেষজ্ঞ আৰু পৰিৱেশ বিজ্ঞানীসকলৰ মাজত গভীৰ উদ্বেগৰ সৃষ্টি হৈছে। এই ব্ৰহ্মপুত্ৰখনে অৰুণাচল প্ৰদেশত চিয়াং আৰু অসমত ব্ৰহ্মপুত্ৰ নামেৰে পৰিচিত। চীনৰ এই প্ৰকল্পই কেৱল শক্তি উৎপাদন নহয়, অঞ্চলটোৰ জলবায়ু, ভূ-ৰাজনৈতিক স্থিতি আৰু লাখ লাখ লোকৰ জীৱন-পদ্ধতিত গভীৰ প্ৰভাৱ পেলাব বুলি আশংকা প্ৰকাশ কৰিছে বিশেষজ্ঞসকলে ।
১৩১ দিনৰ অন্তত অনশন প্রত্যাহাৰ, আন্দোলন অব্যাহত থাকিব কৃষক নেতা ডাল্লেৱাল
নেচনেল ডেস্ক, ৬এপ্ৰিলঃ অৱশেষত ১৩১ দিনৰ অন্তত অনশন প্রত্যাহাৰ কৰিলে কৃষক নেতা জগজিৎ সিং ডালেৱালে। দেওবাৰে এই সিদ্ধান্ত ঘোষণা কৰে প্ৰবীণ কৃষক নেতাগৰাকীয়ে। যদিও তেওঁ অনশন প্রত্যাহাৰ কৰা বুলি কয়, তথাপিও তেওঁ আন্দোলন পৰিত্যাগ কৰা নাই। আগৰ দৰেই চলি থাকিব আন্দোলন । শস্যৰ নূন্যতম সমৰ্থন মূল্যৰ আইনী নিশ্চয়তাকে ধৰি বিভিন্ন বিষয়ত প্ৰতিবাদ কৰা কৃষকসকলৰ সমৰ্থনত যোৱা বছৰৰ ২৬ নৱেম্বৰৰ পৰাই অনশন আৰম্ভ কৰিছিল ডাল্লেৱালে।
আজিৰ দিনটোতে ফতেহপুৰ চাহাব জিলাৰ ছিৰহিন্দত কিষাণ মহাপঞ্চায়ত আহ্বান কৰা হয়। তাতে ডাল্লেৱালৰ অনশন প্রত্যাহাৰ কৰাৰ সিদ্ধান্ত লোৱা হয়। এই সভাত এই জ্যেষ্ঠ কৃষক নেতা গৰাকীয়ে কয় যে, "আপুনি মোক মোৰ অনশন প্ৰত্যাহাৰ কৰিবলৈ কৈছে।" আপোনাৰ সিদ্ধান্তক মই সন্মান কৰো। আপোনাৰ নিৰ্দেশবোৰ আমি মূৰপাতি লৈছো। "অনশন প্রত্যাহাৰ হ'লেও আন্দোলন বন্ধ নহ'ব।"
প্ৰতিবাদকাৰী কৃষক নেতা ডাল্লেৱালক শনিবাৰে অনশন প্ৰত্যাহাৰ কৰিবলৈ কেন্দ্ৰই পুনৰবাৰ অনুৰোধ জনায়। তেওঁৰ শাৰীৰিক অৱস্থাক লৈও উদ্বেগ প্ৰকাশ কৰা হৈছিল। চৰকাৰে কয় যে বিভিন্ন দাবীৰ বাবে প্ৰতিবাদ সাব্যস্ত কৰা কৃষক নেতৃত্বৰ সৈতে আলোচনা চলি আছে। পৰৱৰ্তী বৈঠক ৪ মে’ত অনুস্থিত হ'ব।
অসম কংগ্ৰেছত আকৌ আৰম্ভ হৈছে বিসম্বাদ। কংগ্ৰেছৰ বাবে এইটো একেবাৰে নতুন কথা নহয়। প্ৰায় প্ৰতিটো নিৰ্বাচনৰ আগতেই কংগ্ৰেছত এনেধৰণৰ বিবাদ দেখা দিয়ে—সেয়া পঞ্চায়ত নিৰ্বাচন হওক, বিধানসভা বা লোকসভা নিৰ্বাচন হওক। এই সমস্যাবোৰে কংগ্ৰেছৰ আভ্যন্তৰত চলি থকা বিশৃঙ্খলতাৰ প্ৰতিফলন হিচাপে বিবেচনা কৰে ৰাজনৈতিক মহলে।
বি. চি. উৱেভ ডেস্ক, ৬এপ্ৰিলঃ টেক জগতৰ প্রভাবশালী ব্যক্তি ইলন মাস্কে যুক্তৰাষ্ট্র আৰু ইউৰোপৰ মাজত শুল্কমুক্ত বাণিজ্যৰ আহ্বান জনাইছে। শনিবাৰে (৫ এপ্ৰিল) ইটালীৰ ফ্ল’ৰেন্সত ফাৰ-ৰাইট লীগ দলৰ এখন সন্মিলনত তেওঁ ভিডিঅ’ কনফাৰেন্সৰ জৰিয়তে এই দাবী পুনৰবাৰ উল্লেখ কৰে। মাস্কৰ মতে উত্তৰ আমেৰিকা আৰু ইউৰোপৰ মাজত মুক্ত বাণিজ্যৰ ক্ষেত্ৰ সৃষ্টি হ’ব লাগে।
নেচনেল ডেস্ক, ৬এপ্ৰিলঃ ৱাকফ বিধেয়ক গৃহীত হোৱাৰ লগে লগে উচ্চতম ন্যায়ালয়ত গোচৰ ৰুজু । মুছলমান সংগঠনৰ লগতে বিভিন্ন ৰাজনৈতিক দলে গোচৰ ৰুজু কৰাৰ ইংগিত পোৱা গৈছে। একে সময়তে অল ইণ্ডিয়া মুছলিম পাৰ্চনেল ল ব’ৰ্ডে এই আইনৰ বিৰুদ্ধে দেশজোৰা আন্দোলন আৰম্ভ কৰিব বুলি কৈছে।
বি. চি ডেস্ক, ৬এপ্ৰিলঃ আজিৰ দিনটোত সমগ্ৰ দেশতে ভাৰতীয় জনতা পাৰ্টিয়ে (বিজেপি) ৪৬ সংখ্যক প্ৰতিষ্ঠা দিৱস উদযাপন কৰিছে। এই বিশেষ দিনটো উপলক্ষে গুৱাহাটীস্থিত বিজেপিৰ মুখ্য কাৰ্যালয়ত মুখ্যমন্ত্ৰী হিমন্ত বিশ্ব শৰ্মাই দলীয় পতাকা উত্তোলন কৰি অনুষ্ঠানৰ শুভাৰম্ভ কৰে। পতাকা উত্তোলনৰ পাছত তেওঁ জ্যেষ্ঠ নেতা, দলীয় কৰ্মী আৰু সাধাৰণ সদস্যসকলৰ উপস্থিতিত দলৰ উদ্দেশ্যে গুৰুত্বপূৰ্ণ বক্তব্য আগবঢ়ায়।
